अधिकार आमचा न्यूज नेटवर्क
प्रतिनिधी गफ्फार शाह
चाळीसगांव(प्रतिनिधी)-संपूर्ण तालुका व परिसरातील ग्रामीण भागातुन रुग्ण उपचारासाठी चाळीसगाव येथे येत असतात. अनेकदा रात्री अपरात्री इमर्जन्सी केसेस येत असतात. परंतु खासगी रुग्णालये कोविड टेस्ट तसेच आर्थिक अडवणुक करुन रुग्णांना अॅडमिट करुन घेत नाहीत. त्यामुळे रुग्णांना उपचाराकरिता जळगाव वा अन्य ठिकाणी जाणे परवडत नाही.
चाळीसगाव शहरात अद्ययावत सुविधा असलेले महात्मा फुले ट्रामा केअर सेंटर आहे. कोविड १९ महामारी च्या काळात वाढती रुग्णसंख्या लक्षात घेऊन सदर ट्रामा केअर सेंटर कोविड रुग्णांकरता राखीव करण्यात आले आहे. परंतु आता तालुक्याभरात कोविड रुग्णांची संख्या घटत आहे. त्यामुळे कोविड रुग्णांची घटती संख्या लक्षात घेता प्रशासनाने महात्मा फुले ट्रामा केअर सेंटर चा काही भाग सर्वसामान्य नॉन कोविड रुग्णांकरिता खुला करावा. व गोरगरीब नॉन कोविड रुग्णांची होणारी हेळसांड थांबवावी असे निवेदन देण्यात आला.यावेळी भगवान पाटील,पीपल्स सोशल फाऊंडेशन अध्यक्ष-आकाश पोळ,विजय जाधव,नितीन निकम,रोहित शिंदे,हर्षल माळी,बाळू पवार,शिवसागर पाटील,भुषण पाटील,महेंद्र कुमावत,राहुल सावळे,गौरव पाटील, कुणाल पाटील, रमाकांत शिरसाठ, हर्षल खलाने, प्रशांत शर्मा,अमोल पवार,राकेश त्रिभुवन, दुर्गेश जाधव,भास्कर रोकडे, अजय पाटील,पारस संगीले आदी उपस्थित होते.
