नेहरू युवा केंद्र जळगांव यांच्या मार्फत वृक्षारोपण…
अधिकार आमचा न्यूज नेटवर्क
प्रतिनिधी गफ्फार शाह
चाळीसगांव – येथील नेहरू युवा केंद्राचे नवनियुक्त समन्वयक शंकर कैलास पगारे यांच्या वाढदिवसानिमित्त नेहरू युवा केंद्र व रावण साम्राज्य ग्रुप यांच्या संयुक्त विद्यमाने विविध प्रकारच्या अनेक रोपांचे वृक्षारोपण करण्यात आले. यावेळी नेहरू युवा केंद्राचे चाळीसगांव ब्लॉक समन्वयक शंकर पगारे, माजी समन्वयक अजय पगारे रावण साम्राज्य ग्रुप चे कृष्णा जाधव, पर्यावरण प्रेमी राहुल जाधव हे उपस्थित होते. याप्रसंगी अल्ताफ शेख व उमेश जाधव यांनी परिश्रम घेतले.
नुसते वृक्षारोपण करणे एवढे आमचे कार्य नाही तर सोबत त्या रोपाची काळजी घेणे, त्याची निगा राखणे व त्याचे संवर्धन करून मोठ्या वृक्षात त्या रोपाचे रूपांतर करणे हीच आपली खरी जबाबदारी आहे असे शंकर पगारे यांनी सांगितले. मा.डॉ.अभिजित पाटील सर यांच्या सहकार्याने वनरक्षक मा.अमित पाटील साहेब यांच्या मार्फत हे रोपे उपलब्ध करून देण्यात आले होते.