हुतात्मा दिनानिमित्त प्रशासनाच्या वतीने हुतात्मांना आदरांजली

Read Time1 Minute, 17 Second

जळगाव.दि.30 :- देशाच्या स्वातंत्र्यासाठी प्राणार्पण केलेल्या हुतात्मांच्या स्मरणार्थ आदर व्यक्त करण्यासाठी 30 जानेवारी हा दिवस हुतात्मा दिन म्हणून पाळण्यात येतो. त्यानुसार आज दिनांक 30 जानेवारी 2020 रोजी जिल्हाधिकारी कार्यालयात सकाळी ठिक 11.00 वाजता हुतात्मांच्या स्मरार्थ आदर व्यक्त करण्यासाठी भोंगा वाजवून दोन मिनिटांसाठी मौन (स्तब्धता) पाळण्यात आले.
याप्रसंगी अपर जिल्हाधिकारी नरेंद्र बेडसे, निवासी उपजिल्हाधिकारी वामन कदम, उपजिल्हाधिकारी महसूल रविंद्र भारदे, उप जिल्हा निवडणूक अधिकारी तुकाराम हुलवळे, जिल्हा पुरवठा अधिकारी सुनिल सुर्यवंशी, निवडणूक नायब तहसिलदार सुनिल समदाणे, सहाय्यक जिल्हा पुरवठा अधिकारी प्रशांत कुलकर्णी आदि अधिकारी, कर्मचारी उपस्थित होते.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

रोटरी क्लब चाळीसगाव व वोक्हार्ट हॉस्पिटल नाशिक यांच्या संयुक्त विद्यमानाने हृदयविकार आणि सांधेदुखी तपासणी शिबीर

Read Time2 Minute, 51 Second

चाळीसगाव

चाळीसगाव(प्रतिनिधी): रोटरी क्लब चाळीसगाव व वोक्हार्ट हॉस्पिटल नाशिक, यांच्या संयुक्त विद्यमाने रविवार दिनांक 2 फेब्रुवारी रोजी बापजी जीवनदीप मल्टीस्पेशालिटी हाॅस्पिटल येथे सकाळी 11:30 ते दुपारी 3:30 पर्यंत “हृदयविकार आणि सांधेदुखी तपासणी शिबीराचे” आयोजन करण्यात आले आहे. शिबिरामध्ये नाशिक येथील सुप्रसिद्ध हृदयरोग तज्ञ डॉ. विजयसिंह पाटील व ख्यातनाम सांधेरोपण शस्त्रक्रिया तज्ञ डॉ. जयेश सोनजे यांच्या कडून रुग्णांची तपासणी व मार्गदर्शन केले जाईल. शिवाय ईसीजी तपासणी, 2 डी ईको (हृदयाची सोनोग्राफी), गुडघा व खुबेदुखीच्या रुग्णांसाठीच्या तपासण्या , नाममात्र शुल्कामध्ये करण्यात येतील. तसेच अँजिओग्राफी, अँजिओप्लास्टी, बायपास सर्जरी, हृदय झडपांचे आजार आणि जन्मजात हृदयविकारांसाठी शस्त्रक्रिया सांगितलेले रूग्ण ज्यांच्याकडे पिवळे किंवा केशरी शिधापत्रिका आहेत अश्या रूग्णांकरिता वोक्हार्ट हॉस्पिटल नाशिक येथे महात्मा ज्योतिबा फुले जन आरोग्य योजने अंतर्गत मोफत शस्त्रक्रियेची सुविधा उपलब्ध आहे.
असे रुग्ण ज्यांना हृदयविकाराची लक्षणे जसे की छातीत दुखणे, दम लागणे, छातीत जळजळ, सतत थकवा जाणवणे, चक्कर येणे, श्वास घेण्यास त्रास होणे, अशक्तपणा, हृदयाचे ठोके जलद किंवा अनियमित होणे याचा त्रास असेल त्यांनी या शिबिरामध्ये येऊन हृदयरोग तज्ञांकडून तपासणी करून घ्यावी. शिवाय संधिवात, गुडघ्यात किंवा खुब्यात वेदना, पायात वाक येणे, मांडी घालून बसता न येणे, पायर्‍या चढतांना उतरतांना त्रास होणे, गुडघ्यात किंवा खुब्यावर सूज येणे आणि या सर्व लक्षणांवर औषधांनी फरक न पडणे अशी लक्षणे असतिल तर या शिबिरामध्ये येऊन तपासणी करून घ्यावी व या संधीचा अधिकाधिक संख्येने लाभ घ्यावा असे आवाहन आयोजकांकडून करण्यात आले आहे.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

पुढारी हरविले आहे,शोध मोहीम सुरू

Read Time1 Minute, 44 Second

चाळीसगाव (प्रतिनिधी): आज दिनांक ३० रोजी सामाजिक क्षेत्रातील कार्यकर्त्यांनी मिळून वामन नगर चाळीसगाव येथील स्थानिकांना सोबत घेऊन निवेदन दिले निवेदनात म्हटले आहे वामन नगर बोगद्याच्या काम नाही,गटारी ,पिण्याच्या पाण्याची पाईप लाईन यांचे काम नाही ,फक्त पुढारी आलेत आश्वासन दिलीत पण काम मात्र झाले नाही आम्हाला असे वाटते पुढारी हरविले आहे त्यांना शोधून आठवण करून द्यावी असे निवेदन नायब तहसीलदार व पोलीस निरीक्षक चाळीसगाव शहर यांना देण्यात आले,निवेदनात मनसे शहर संघटक अण्णा विसपुते, संग्रामसिंग शिंदे,बंटी पाटील मित्र मंडळ,वाल्मिक पाटील,उज्वल निकम,निलेश महाले,संतोष परदेशी,शाम सोनार,नावेद खान,अशोक शेठे,प्रकाश पवार,राजेश पाटील,प्रवीण जोशी,संदीप लांडगे,सोनू शाह,अरविंद सपकाळे,अल्ताफ खान,हेमंत देशमुख,दिनेश राजपूत,भावेश चौधरी,निखिल नागमोती,अनिल पंजे,यश देशमुख,कुणाल गवळी ,विपुल राजपूत,संतोष परदेशी,गणेश गवळी,जितेंद्र पगारे,दीपक बोडवे आदींच्या स्वाक्षऱ्या आहेत

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

आता सरपंच ची निवड सदस्यांमधून

Read Time1 Minute, 15 Second

मुंबई, दि. 29 : सरपंचांची निवड थेट लोकांमधून निवडणुकीद्वारे करण्याऐवजी आता पूर्वीप्रमाणेच निवडून आलेल्या सदस्यांमधून करण्याचा निर्णय आज झालेल्या मंत्रिमंडळ बैठकीत घेण्यात आला. या निर्णयामुळे सरपंच आणि सदस्य यांच्यामध्ये सुसंवाद वाढून ग्रामपंचायतींचे कामकाज अधिक सुलभ आणि गतिमान होईल, अशी प्रतिक्रिया ग्रामविकास मंत्री हसन मुश्रीफ यांनी दिली.
महाराष्ट्र ग्रामपंचायत अधिनियमामधील कलम 7, कलम 13, कलम 15, कलम 35, कलम 38, कलम 43, कलम 62, कलम 62 अ मध्ये सुधारणा व कलम 30 अ – 1 ब व कलम 145-1 अ चा नव्याने समावेश करण्यासाठी मंत्रिमंडळाने मान्यता दिली. संबंधित कायद्यामध्ये सुधारणा करण्यासाठी अध्यादेश काढण्यात येईल, असा निर्णय आज झालेल्या मंत्रिमंडळ बैठकीत घेण्यात आला.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

सांस्कृतिक कार्यक्रमातून संस्कृतीचे जतन व व्यक्तिमत्व विकासाला चालना-किशोर पाटील कुंझरकर यांचे प्रतिपादन

Read Time6 Minute, 9 Second

एरंडोल(प्रतिनिधी):-दिनांक २८ जानेवारी २०२० एरंडोल प्रजासत्ताक दिनानिमित्त जिल्हा परिषद प्राथमिक शाळा भिल्ल वस्ती गालापुर तालुका एरंडोल येथील शाळेत विद्यार्थ्यांचा वार्षिक गुणगौरव व सांस्कृतिक कार्यक्रम स्नेहसंमेलन प्रसंगी आदिवासी वस्तीवर उत्साह संचारला होता. यावेळी शाळेला ५०० रुपये बक्षीस मिळाले. सांस्कृतिक कार्यक्रमातून व स्नेहसंमेलनातून विद्यार्थी व्यक्तिमत्व विकास होतो जिल्हा परिषद शिक्षण समिती द्वारे हा चांगला उपक्रम सुरू करण्यात आल्याचे व सर्व शाळांना चालना देण्यात आल्याचे यावेळी बोलताना शाळेचे मुख्याध्यापक तथा शिक्षक संघटनांच्या राज्य समन्वय समितीचे राज्य समन्वयक महाराष्ट्र राज्य समता शिक्षक संघाचे राज्य महासचिव किशोर पाटील कुंझरकर म्हणाले.ध्वजारोहण यापूर्वी सर्व मान्यवरांच्या उपस्थितीत विद्यार्थ्यांसह संविधानाच्या उद्देशिकेचे सामुहिक वाचन करण्यात आली ध्वजारोहण सामाजिक कार्यकर्ते नरेश दादा शशिकांत पाटील यांच्या शुभहस्ते झाले.यावेळी नरेश पाटील यांच्या वतीने सर्व विद्यार्थ्यांना कपडे वही-पेन वाटप करण्यात आले. तद्नंतर शाळेच्या वतीने वार्षिक गुणगौरव व राष्ट्रीय बालिका सप्ताह निमित्ताने मुलींचा गौरव सोहळा तसेच शालेय सांस्कृतिक स्नेहसंमेलन संपन्न झाले . ग्रामपंचयतीमार्फत व शाळा व्यवस्थापन समिती मार्फत सर्व विद्यार्थ्यांना खाऊचे व बक्षिसांचे वाटप करण्यात सांस्कृतिक स्नेहसंमेलन विद्यार्थी गुणदर्शन व ध्वजारोहण कार्यक्रमाच्या प्रसंगी पुंडलिक महाजन नितीन नरेश पाटील, माजी सैनिक विजय महाजन, सुरेश भिल, सखाराम भिल, सुनील आप्पा भिल सुभाष दादा भिल, राकेश माळी,आदी मान्यवर उपस्थित होते.
यावेळी बोलताना शाळेचे मुख्याध्यापक किशोर पाटील कुंझरकर यांनी या आदिवासी वस्तीवर विद्यार्थ्यांना शाळेच्या मुख्य प्रवाहात आणण्यासाठी व शाळा विकासासाठी सर्वांच्या सहकार्याने वाटचाल सुरू असल्याचे स्पष्ट केले. संविधान उद्देश पत्रिका वाचन करण्यामागील भूमिका सांगताना संविधान हे राष्ट्र निर्मितीचा देशाच्या संपन्नतेचा व समृद्धीचा राष्ट्रीय ग्रंथ असून हक्क व संरक्षण सोबतच नागरिकांचे कर्तव्य व जबाबदारी महत्त्वाची असून देशाचा राज्याचा संपूर्ण कारभार संविधानाच्या अंतर्गत चालतो हे समजावून सांगितले.
वार्षिक स्नेहसंमेलन व सांस्कृतिक कार्यक्रमातून विद्यार्थ्यांचा व्यक्तिमत्व विकास होतो चांगल्या सादरीकरण यांना लोकांनी बक्षीस दिल्याचा आनंद असल्याचे म्हटले. आदिवासी संस्कृती देखील महत्वपूर्ण असून आदिवासी बोलीभाषेतील गाणे व बोली भाषा टिकविणे सर्वांची जबाबदारी असल्याचे म्हटले.
सामूहिक कवायत संचलन वार्षिक स्नेहसंमेलन यामुळे आदिवासी वस्तीवर प्रजासत्ताक दिनी उत्साह संचारला होता .
बेटी बचाव बेटी पढाव, प्रजासत्ताक दिनाचा विजय असो, आदि घोषणा देत परिसर दुमदुमून गेला होता.
वडिकिल्ला येथील नरेश दादा शशिकांत पाटील यांनी त्यांच्या धर्मपत्नी कैलास वासी सौभाग्यवती सिंधुबाई नरेश पाटील यांच्या स्मरणार्थ शालेय विद्यार्थ्यांना कपडे वही पेन दिल्याने मुख्याध्यापक किशोर पाटील कुंझरकर यांनी त्यांचा तसेच त्यांच्या संपूर्ण परिवाराचा आणि पुंडलिक महाजन यांचा शाल श्रीफळ पुष्पहार व सन्मानपत्र बहाल करून गौरव केला.
सामाजिक बांधिलकी जोपासणाऱ्या लोकांची समाजव्यवस्थेला गरज असून सर्वांनी स्वतःला व देवाला पाहून आपल्या व्यक्तिगत जीवनात समाजहितासाठी प्रामाणिकपणे जे जे चांगले करता येईल ते ते करावे असे यावेळी किशोर पाटील कुंझर कर यांनी म्हटले.
शालेय संस्कृती वार्षिक स्नेहसंमेलन प्रसंगी सर्वांचे सहकार्य लाभले. प्रास्ताविक किशोर पाटील कुंझरकर यांनी तर आभार सुरेश भिल व सुभाष भील व्यक्त केले.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

चाळीसगाव येथे CAA व NRC च्या विरोधात धरणे आंदोलन महिलांचा सहभाग

Read Time1 Minute, 19 Second

चाळीसगाव(प्रतिनिधी): दिनांक २८ जानेवारी २०२० रोजी सकाळी १० ते संध्याकाळी ५ पर्यंत नगरपालिका मंगल कार्यालय हजरत अली चौक चाळीसगांव येथे CAA व NRC च्या विरोधात एकदिवशीय धरणे आंदोलन करण्यात आले यावेळी हजारोच्या संख्येने मुस्लिम महिला उपस्थित होत्या हा कायदा संविधानाच्या विरोधात आहे असे निवेदन शानए हिन्द निहाल अहमद(मालेगांव),डॉ अरशीन (धुळे),आफ्रिन अन्वर शेख, रिजवना कैसर अहमद खाटीक,फातेमा बी जहिर शेख,रुबिना तैय्यब शेख,जबिना सलाउद्दीन मुजावर,खैरुन्निसा गफूर शेख,यास्मीन बी फकीरा मिर्जा,वहीदा शेख अलाउद्दीन,आफरीन वसीम शेख,शबीना फिरोज खान,नफीसा बी जावेद,नाजेमा बी मोइद्दीन,शाइन बी आसिफ खान यांच्या हस्ते हजारो महिलांच्या उपस्थिती नायब तहसिलदार विशाल सोनवणे यांना देण्यात आले.

0 0
Happy
Happy
100 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

टिक टॉक विडिओ केला,चालक घरी गेला?कारवाही योग्य की अयोग्य?

Read Time1 Minute, 20 Second

अधिकार आमचा (विशेष)- पीएमपी च्या ई बस चालक भीमराव गायकवाड यांना टिक टॉक व्हिडिओ तयार केले म्हणून बडतर्फ करण्यात आले, बातमी कळताच मनात विचार आला की हे योग्य आहे की अयोग्य माहीत नाही पण कर्मचारी पण शेवटी माणूसच ना म आजच्या या इंटरनेट च्या युगात तर आमच्या आतील कलाकार बाहेर येणारच आणि जर थोडी कलाकारी केली त्यामुळे जर नोकरी जात असेल तर नक्की विचार करावा लागेल बेकराई डेपोत बस उभी आहे आणि जवळ पास कोणी नाही जर हा प्रकार चालू बस मधील असता तर कदाचित हा निर्णय योग्य असता पण निवांत वेळेत केलेली कलाकारी आणि चालक ला बडतर्फ करण्यात आले या प्रकारे या प्रकरणाने प्रशासनाची प्रतिमा मलिन होऊ शकते असे परिपत्रकात म्हटले आहे व प्रवाश्यांनी पण बस मधे विडिओ काढू नये असू सांगण्यात आले आहे

आपले मत कमेंट मध्ये जरूर कळवा

चालक भीमराव गायकवाड

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

शिवभोजन थाळीचा पहिल्याच दिवशी राज्यातील ११ हजार ४१७ नागरिकांनी घेतला लाभ-अन्न व नागरी पुरवठा मंत्री छगन भुजबळ यांची माहिती

Read Time3 Minute, 41 Second

मुंबई दि. २७ : प्रजासत्ताक दिनाचे औचित्य साधून राज्यात काल शिवभोजन योजनेचा शुभारंभ करण्यात आला. राज्यात पहिल्याच दिवशी ११ हजार ४१७ नागरिकांनी या  भोजनाचा लाभ घेतल्याचे अन्न, नागरी पुरवठा व ग्राह‍क संरक्षण मंत्री छगन भुजबळ यांनी सांगितले.
श्री.भुजबळ म्हणाले,  राज्यातील गरीब आणि गरजू जनतेला  सवलतीच्या दरात जेवण उपलब्ध करून देण्यासाठी मुख्यमंत्री उद्धव ठाकरे यांच्या पुढाकारातून शिवभोजन योजनेची अंमलबजावणी सुरु करण्यात आली आहे. आतापर्यंत राज्यात १२२ शिवभोजन केंद्रे सुरु करण्यात आली असून या केंद्राच्या माध्यमातून गरीब जनतेला १० रुपयांत जेवण उपलब्ध करून देण्यात येत आहे.   
शिवभोजन ही आमच्या शासनाची प्रमुख योजना असून तिची राज्यात काटेकोर  आणि व्यवस्थित अंमलबजावणी व्हावी यासाठी अन्न, नागरी पुरवठा व ग्राह‍क संरक्षण  विभागाला सूचना देण्यात आल्याचे श्री. भुजबळ यांनी सांगितले.
शिवभोजन योजनेत अकोला जिल्ह्यात २, अमरावतीमध्ये ३, बुलढाण्यात ३,  वाशिममध्ये २, औरंगाबाद मध्ये ४, बीड मध्ये १, हिंगोलीत १, जालन्यात २, लातूर मध्ये १, नांदेडमध्ये ४, उस्मानाबाद मध्ये ३, परभणीमध्ये २, पालघरमध्ये ३,  रायगड मध्ये ४, रत्नागिरीमध्ये ३, सिंधुदूर्ग मध्ये २, परळ ३, अंधेरी ३, वडाळा २, ठाणे ७, कांदिवली २, भंडारा २, चंद्रपूर ३, गडचिरोली १, गोंदिया २, नागपूर ७, वर्धा २, अहमदनगर ५, धुळे ४, जळगाव ७, नंदूरबार २,  नाशिक ४, कोल्हापूर ४, पुणे १०, सांगली ३, सातारा ४, सोलापूर ५  अशी केंद्रे सुरु  झालेली आहेत.  काल संबंधित जिल्ह्यांच्या पालकमंत्री महोदयांच्या हस्ते शिवभोजन योजनेचा शुभारंभ करण्यात आला.
ज्या खानावळ, स्वंयसेवी संस्था, महिला बचतगट, भोजनालये, रेस्टॉरंट, मेस च्या माध्यमातून शिवभोजन योजना राबविली जात आहे म्हणजेच ज्या केंद्रांना योजनेची अंमलबजावणी करण्याची मान्यता देण्यात आली आहे त्या केंद्रातून योजनेअंतर्गत दुपारी १२ ते २ यावेळेत जेवण उपलब्ध करून दिले जाते.
लाभार्थींच्या १० रुपयांच्या रकमेव्यतिरिक्तची उर्वरित रक्कम अन्न आणि नागरी पुरवठा विभागाकडून अनुदान म्हणून  केंद्रचालकांना उपलब्ध करून दिली जाणार आहे.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

वीर एकलव्य पुरस्कार मिळाल्याबद्दल पन्नालाल मावळे व त्यांच्या टिम चा प्रजासत्ताक दिनी शासकीय आश्रम शाळा पिंगळवाडा येथे सत्कार

Read Time1 Minute, 48 Second

पिंगळवाडा- श्री पन्नालाल मावळे यांना वीर एकलव्य पुरस्कार मिळाल्याबद्दल आज २६ जानेवारी २०२० रोजी प्रजासत्ताक दिनाच औचित्य साधून शासकीय आश्रम शाळा पिंगळवाडा येथे शाळेचे मुख्याध्यापक श्री एम डी पिंगळे सरांच्या हस्ते पन्नालाल मावळे सह नंदाबाई मावळे यांचा सपत्नीक सत्कार करण्यात आला
या प्रसंगी श्री मावळे यांना वेळोवेळी मार्गदर्शन करणारे श्री पि पि चव्हाण सर, आदिवासी पारधी विकास परिषदेचे जेष्ठ नेते मधुकर चव्हाण, तथा पन्नालाल मावळे सोबत सदैव झटणारे लोक संघर्ष मोर्चा व आदिवासी पारधी विकास परिषदेचे झुंजार नेते प्रकाश पारधी, पंडीत चव्हाण, अविनाश पवार, संदिप सुर्यवंशी, विजय सैदाणे, गणेश पाटील यांचा हि सत्कार करण्यात आला या वेळी शाळेचे कर्मचारी सेवानिवृत सैनिक श्री विनोद वादळे यांचा हि सत्कार पन्नालाल मावळे व टिम ने केला
शाळेचे शिक्षकांनी व मुख्याध्यापक श्री पिंगळे सरांनी पन्नालाल मावळे यांच्या कार्याबद्दल मनोगत व्यक्त केले कार्यक्रमाचे सूत्रसंचालन प्रा शि श्री जितेंद्र गुरव सरांनी केले व आभार श्री एस झेड पाटील सरांनी मानले.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

पालकमंत्री ना. गुलाबराव पाटील यांच्या हस्ते जळगाव येथे शिवभोजन केंद्रांचा शुभारंभ

Read Time3 Minute, 21 Second

जळगाव, दि. २६(प्रतिनिधि) :- राज्याचे मुख्यमंत्री उद्धव ठाकरे यांच्या संकल्पनेतून साकारलेल्या शिवभोजन योजनेचे उद्घाटन जिल्ह्याचे पालकमंत्री तथा राज्याचे पाणीपुरवठा व स्वच्छतामंत्री ना. गुलाबराव पाटील यांच्या हस्ते आज करण्यात आले.
जळगाव जिल्ह्यात आजपासून शिवभोजन योजना कार्यान्वित करण्यात आली आहे. याअंतर्गत शहरातील जिल्हा सामान्य रुग्णालय व जिल्हाधिकारी कार्यालय आवारातील शिवभोजन केंद्राचे उद्घाटन पालकमंत्री श्री. पाटील यांच्या हस्ते आज सकाळी करण्यात आले.
याप्रसंगी शहराचे आमदार सुरेश भोळे, जिल्हाधिकारी डॉ. अविनाश ढाकणे, जिल्हा परिषदेचे मुख्य कार्यकारी अधिकारी डॉ. बी. एन. पाटील, जळगाव शहर महानगरपालिकेचे आयुक्त उदय टेकाळे, पोलीस अधिक्षक डॉ. पंजाबराव उगले, जिल्हा पुरवठा अधिकारी सुनिल सुर्यवंशी, शासकीय वैद्यकीय महाविद्यालयाचे अधिष्ठाता डॉ. भास्कर खैरे, जिल्हा शल्य चिकित्सक डॉ. एन. एस. चव्हाण, सहाय्यक पुरवठा अधिकारी प्रशांत कुलकर्णी आदि उपस्थित होते.
यावेळी बोलताना पालकमंत्री श्री. पाटील म्हणाले की, राज्य शासनाने राज्यातील गरीब व गरजू नागरिकांना सवलतीच्या दरात शिवभोजन उपलब्ध करून देण्याची महत्वाकांक्षी योजना सुरू केली आहे. पहिल्या टप्प्यात प्रायोगिक तत्वावर जळगाव जिल्ह्याच्या मुख्यालयी दर दिवशी सातशे भोजन थाळींची मर्यादा आहे. शहरात आठ ठिकाणी नऊ केंद्र सुरु करण्यात येणार आहे. या केंद्रामुळे जिल्ह्याच्या मुख्यालयी येणारे शेतकरी, शेतमजूर, रुग्ण, गरीब नागरिकांना अल्पदरात भोजनाची सुविधा उपलब्ध व्हावी म्हणून राज्य शासनाने शिवभोजन योजनेची अंमलबजावणी सुरू केली आहे. त्यामुळे कमी पैशात दर्जेदार भोजनाची सुविधा आता उपलब्ध होणार आहे. शिवभोजन चालकास ग्राहकांकडून १०रुपये, तर शासनाकडून प्रति थाळी ४०रुपयांचे अनुदान देण्यात येईल. आगामी काळात मागणीनुसार थाळींची संख्या वाढविण्यात येईल, असेही पालकमंत्री श्री. पाटील यांनी सांगितले. शहरातील ही शिवभोजन केंद्रे दुपारी १२ ते २ या कालावधीत सुरू राहतील. या भोजनात दोन चपाती, एक वाटी भाजी, एक मूद भात, एक वाटी वरणाचा समावेश आहे.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %