दरोडा टाकून दोन वर्षापासून फरार असलेला अट्टल दरोडेखोर ताब्यात : पुणे ग्रामीण एलसीबी पथकाची कामगिरी

Read Time4 Minute, 50 Second

अधिकार आमचा न्यूज नेटवर्क

प्रतिनिधी विजय जाधव

दौंड (प्रतिनिधी)-दौंड पोलीस स्टेशन हद्दीत बेटवाडी फाटा पाटस रोड ता.दौंड जि.पुणे येथे सुमारे दोन वर्षापूर्वी दरोडा टाकून लूटमार केलेल्या टोळीतील फरारी असलेल्या अट्टल दरोडोखोरास स्थानिक गुन्हे शाखेचे टिमने जेरबंद केल्याची माहिती वरीष्ठ पोलीस निरीक्षक पद्माकर घनवट यांनी दिली .
दिनांक ४ एप्रिल २०१८ रोजी बेटवाडी फाटा पाटस रोड ता.दौंड जि.पुणे येथे मुंबई येथील सोनेचांदीचा व्यापारी उद्देश मोहन चव्हाण वय ३३ रा.मालाड मुंबई यांना दिपक नावाचे इसमाने मोबाईलवर फोन करुन एक किलो सोने प्रति तोळा दहा हजार रुपये किंमतीने देतो असे अमिष दाखवून बोलावून घेवून फिर्यादी व त्याचा मित्र सोने आणणेसाठी आले असताना दिपक व त्याचे ६ साथीदारांनी त्यांना जबर मारहाण करुन चाकूचा धाक दाखवून त्यांचेकडील रोख रक्कम एक लाख रुपये, सोन्याची अंगठी व इतर ऐवज असा १,१७,०००/- चा माल जबरदस्तीने हिसकावून पळून गेले होते. त्याबाबत त्यांनी दौंड पोलीस स्टेशनला तक्रार दिलेवरुन दरोड्याचा गुन्हा दाखल करण्यात आलेला होता. सदर गुन्हयात यापूर्वी ४ आरोपींना अटक करण्यात आलेली असून माऊली भोसले रा.बेटवाडी व त्याचा आणखीन एक साथीदार गुन्हा घडलेपासून फरार होते. पोलीसांच्या भितीने ते गावी न राहता श्रीगोंदा अहमदनगर येथे नाव बदलून राहत होते.
पुणे ग्रामीण जिल्हयातील वाढत्या गुन्हेगारीला आळा घालणेसाठी नव्याने पदभार घेतलेले पोलीस अधीक्षक डॉ.अभिनव देशमुख यांनी गुन्हेगारांच्या मुसक्या आवळण्यास सुरुवात केलेली आहे.
त्यांनी दिलेल्या सुचनेप्रमाणे जिल्हयातील गुन्हेगारीला आळा घालणेसाठी स्थानिक गुन्हे शाखेचे पोलीस निरीक्षक पद्माकर घनवट यांनी मार्गदर्शनाखाली विभागानुसार गुन्हे शाखेच्या पथकांची नेमणूक केलेली आहे.
दिनांक २० नोव्हेंबर २०२० रोजी स्थानिक गुन्हे शाखेचे पोलीस निरीक्षक पद्माकर घनवट यांचे मार्गदर्शनाखाली
सहाय्यक पोलीस निरीक्षक पृथ्वीराज ताटे, महेश गायकवाड, निलेश कदम, सचिन गायकवाड, गुरू गायकवाड, सुभाष राऊत यांचे पथक दौंड परिसरात रेकॉर्डवरील पाहिजे, फरारी आरोपींचा शोध घेत असताना दरोडयाच्या गुन्हयातील सुमारे दोन वर्षापासून फरारी असलेला रेकॉर्डवरील गुन्हेगार माऊली बंटया भोसले वय २१ वर्षे रा.बेटवाडी ता.दौंड जि.पुणे हा दौंड नगर मोरी चौक येथे येणार असल्याची बातमी एका खबऱ्याकडून गुन्हे शाखेचे पथकास मिळाली होती. त्याप्रमाणे त्यांनी तात्काळ सदर ठिकाणी जावून सापळा रचून आरोपी माऊली भोसले यास ताब्यात घेणेसाठी गेले असता तो पळून जात असताना त्यास पाठलाग करून पकडले आहे. आरोपी माऊली भोसले हा रेकॉर्डवरील सराईत गुन्हेगार असून त्याचेवर यापूर्वी श्रीगोंदा पोलीस स्टेशन जिल्हा अहमदनगर येथे दरोडा प्रयत्न केलेबाबत गुन्हा दाखल आहे.
सदर आरोपीने फरार कालावधीत आणखीन गुन्हे केल्याची शक्यता असून त्याबाबतचा पुढील अधिक तपास दौड पोलीस स्टेशनचे पोलीस निरीक्षक नारायण पवार हे करीत आहेत.

6 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

७३ वा वार्षिक निरंकारी संत समागम – ५, ६, ७ डिसेंबरला व्हर्च्युअल रुपात

Read Time7 Minute, 48 Second

अधिकार आमचा न्यूज नेटवर्क

प्रतिनिधी विजय जाधव

स्थिरता’ – वर्तमान जगाची परम आवश्यकता
मन निरंकार प्रभुशी जोडल्याने जीवनात येईल ‘स्थिरता’ – सद्गुरू माता सुदीक्षाजी महाराज

पुणे, १७ नोव्हेंबर,२०२०: निरंकारी सद्गुरु माता सुदीक्षाजी महाराज यांच्या आशीर्वादाने या वर्षीचा ७३ वा वार्षिक निरंकारी संत समागम व्हर्च्युअल रूपात दिनांक ५,६, ७ डिसेंबर, २०२० रोजी आयोजित करण्यात आला आहे. वैश्विक महामारी कोरोना व्हायरसच्या संक्रमणामुळे भारत सरकारने जारी केलेली मार्गदर्शक तत्वे लक्षात घेऊन हा संत समागम व्हर्च्युअल रूपात आयोजित करण्यात येत आहे. जगभरातील लक्षावधी भाविक-भक्तगण घरबसल्या ऑनलाईनच्या माध्यमातून हा समागम पाहू शकणार आहेत.
निरंकारी मिशनच्या इतिहासात असे प्रथमच घडत आहे, की वार्षिक निरंकारी संत समागम व्हर्च्युअल रूपात आयोजित केला जात आहे. ही शुभ सूचना मिळाल्याने समस्त निरंकारी जगतामध्ये हर्षोल्हासाचे वातावरण निर्माण झाले आहे. व्हर्च्युअल रुपातील या संपूर्ण समागमाच्या कार्यक्रमाचे प्रसारण संत निरंकारी मिशनच्या वेबसाईट वर दिनांक ५, ६, ७ डिसेंबर, २०२० रोजी केले जाणार आहे. या व्यतिरिक्त हा समागम संस्कार टी.व्ही. चॅनल वर तिन्ही दिवशी सायंकाळी ५:३० ते रात्री ९:०० या वेळात प्रसारित करण्यात येईल.
ज्ञात असावे, की भारताच्या फाळणीनंतर पहाड़गंज, दिल्ली येथे येऊन बाबा अवतारसिंहजी यांनी १९४८ मध्ये संत निंरकारी मंडळाची स्थापना केली. सन १९४८ मध्येच मिशन चा प्रथम निरंकारी संत समागम दिल्लीमध्ये संपन्न झाला. निर्मळ भक्तिभावनेचे हे रोपटे ९१ वर्षांपूर्वी बाबा बूटासिंहजी यांनी लावले. बाबा अवतारसिंहजी यांनी त्या रोपट्याला सबुरी, संतुष्टी आणि गुरुमताचे पाणी शिंपून त्याचे रक्षण केले. बाबा गुरबचनसिंहजी यांनी सहनशीलता आणि विनम्रतेच्या बळावर त्याला वाढवले. बाबा हरदेवसिंहजी यांनी त्याचा प्रेम व बंधुभावाने ओत-प्रोत छायादार वृक्ष तयार केला. त्यानंतर दिव्य गुणांच्या फुलांनी बहरलेल्या या बागेला आणखी सजवून सुगंधित करण्याची जबाबदारी सद्गुरु माता सविंदर हरदेवजी यांच्या खांद्यावर आल्यानंतर त्यांनीही ती लिलया निभावली. वर्तमान काळात सद्गुरु माता सुदीक्षाजी महाराज तितक्याच ऊर्जेने व तन्मयतेने या मिशनला पुढे घेऊन जात आहेत.
या वर्षी निरंकारी समागमाचा मुख्य विषय ‘स्थिरता’ आहे. संत निरंकारी मिशन आध्यात्मिक जागृतीच्या माध्यमातून जगभरात सत्य, प्रेम, एकत्वाचा संदेश देत आहे. एका बाजुला प्रभु परमात्मा स्थिर आहे, अचल आहे तर दुसऱ्या बाजुला विश्वातील इतर सर्व गोष्टी गतिमान, अस्थिर व परिवर्तनशील आहेत. त्यामुळे स्थिर परमात्म्याशी नाते जोडूनच स्थिरता प्राप्त केली जाऊ शकते. वर्तमान काळातील आधुनिक परिवेशामध्ये हे जगत गतिमान होण्याबरोबरच कुठे ना कुठे अस्थिरही होत चालले आहे. अशा परिस्थितीत मानवी मनाला आध्यात्मिक रुपात स्थिर होण्याची नितांत गरज आहे.
सद्गुरू माता सुदीक्षाजी यांनी जीवनात स्थिरता धारण करण्याविषयी समजावताना म्हटले आहे, की ज्या वृक्षाची मुळे मजबूत असतात तो नेहमी स्थिर राहतो. सोसाट्याचा वारा येवो किंवा वादळ येवो; जर त्या वृक्षाने आपल्या मुळांना घट्ट पकडलेले असेल तर तो स्थिर राहतो. अशाच प्रकारे ज्या मनुष्याने ब्रह्मज्ञान प्राप्त करुन आपले नाते या मूळ निराकार प्रभुशी जोडून ठेवलेले असेल तर त्याच्या जीवनात कशीही परिस्थिती आली तरी तो निराकार प्रभुचा आधार घेऊन स्थिरता प्राप्त करतो.
संत निरंकारी मिशन समाज सेवच्या कार्यामध्ये सदोदित अग्रगण्य राहिलेले आहे आणि त्याबद्दल प्रशंसेलाही पात्र बनलेले आहे. मिशनचे सर्व सामाजिक उपक्रम नियमितपणे संत निरंकारी चॅरिटेबल फाउंडेशनच्या माध्यमातून जनकल्याणासाठी राबविले जात आहेत. त्यामध्ये स्वच्छता अभियान, वृक्षारोपण, रक्तदान यांच्या व्यतिरिक्त भूकंप, महापूर, सुनामी यांसारख्या नैसर्गिक आपत्तीने पीड़ित आपद्ग्रस्तांच्या मदतीसाठी मिशनकडून भरपूर योगदान दिले जात आहे.
कोविड-१९ च्या वैश्विक महामारीच्या काळात संत निरंकारी मिशनने सरकारकडून दिलेल्या निर्देशांचे पालन करत सामाजिक अंतर ठेवणे व मास्कचा वापर करणे (मास्क वापरा निरंतर, ठेवा सामाजिक अंतर) समाजकल्याणाचे अनेक उपक्रम पुणे जिल्ह्यामध्ये राबवले. यामध्ये रक्तदान शिबिरांचे आयोजन, गरजुंना जिवनावश्यक वस्तुंचे (रेशन) वाटप, निरंकारी सत्संग भवन क्वारंटाईन सेन्टर म्हणून प्रदान करणे इत्यादी विविध सेवांचा समावेश आहे. मिशनच्या वतीने प्रवासी शरणार्थी लोकांसाठी Shelter Homes (तात्पुरता निवारा) तयार करुन त्यामध्ये त्यांच्या राहण्याची तसेच चहापानाची उचित व्यवस्था करण्यात आली. याशिवाय संबंधित कार्यालयांमध्ये जाऊन मास्क तसेच सॅनिटायझरचे वितरण केले. या सेवा सातत्याने सुरु आहेत.
देश-विदेशातील निरंकारी भक्तगण या व्हर्च्युअल समागमाची अत्यंत आतुरतेने वाट पाहत आहेत. वर्तमान परिस्थितीलाही ते प्रभु परमात्म्याचा आदेश मानून हसत हसत स्वीकारत आहेत.

4 0
Happy
Happy
100 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

धक्कादायक : भोसरीत सुलभ शौचालयाच्या हौदात आढळले मानवी कवटी आणि हाडं.

Read Time1 Minute, 52 Second

अधिकार आमचा न्यूज नेटवर्क

प्रतिनिधी सनी घावरी

पिंपरी(प्रतिनिधी)-चिंचवड शहरातील बालाजी नगर येथे मानवी कवटीसह काही हाडे एका पाण्याच्या हौदात सापडली आहेत. यामुळे परिसरात एकच खळबळ उडाली असून भोसरी एमआयडीसी पोलीस अधिक शोध घेत आहेत. सोमवारी सायंकाळच्या सुमारास ही घटना समोर आली असून पोलीस अधिक तपास करत आहेत.

“भोसरीच्या बालाजी नगर येथे मानवी शरीराच्या काही भागाची हाडे सापडली आहेत. त्यात मानवी कवटी आणि इतर भागांचा समावेश आहे. दोन मुलं सुलभ शौचालयाच्या हौदात मासे पकडत होते. तेव्हा, त्यांना एका प्लास्टिकच्या पिशवीत कवटीसह हाडे मिळाली आहेत. या घटनेचा तपास सुरु असून सापडलेली हाडे तपासणीसाठी पाठवण्यात आली आहेत. त्यानंतर योग्य ती पुढील कारवाई केली जाईल,” अशी माहिती वरिष्ठ पोलीस निरीक्षक गवारे यांनी दिली आहे.

हाडे बाहेरून आणून तिथे टाकल्याचा संशय पोलिसांना असून इतर हाडांचा शोध घेतला जात आहे. याशिवाय परिसरात कोणी बेपत्ता आहे का? याचा देखील शोध घेतला जात आहे. तसेच या घटनेबाबत स्थानिकांकडे चौकशी केली जात आहे. सीसीटीव्हीचीही मदत घेतली जात आहे. कवटी आणि हाडे पुरुषाची आहेत की महिलेची हे अद्याप समजू शकलेले नाही.

1 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

स्लोग-ह्युमन हेल्प फाउंडेशन महाराष्ट्र राज्य यांनी दिवाळी केली गोरगरीब जनतेसोबत साजरी.

Read Time1 Minute, 31 Second

अधिकार आमचा न्यूज नेटवर्क

प्रतिनिधी विजय जाधव

दौंड(प्रतिनिधी)- स्लोग-ह्युमन हेल्प फाउंडेशन महाराष्ट्र राज्य यांनी दिवाळी केली गोरगरीब जनतेसोबत साजरी.-देशात कोरोनासारख्या विषाणूने थैमान माजवले असल्याने सर्व धार्मिक व सामाजिक उत्सव बंद केल्याने सर्वांच्या हाती निराशाच आली असल्याने दिवाळी मात्र निराशेमध्ये गेल्याने जनता मात्र नाराज आणि दुःखी असल्याचे दिसून येत आहे.त्यांची नाराजी दूर करून व त्यांना धीर देऊन त्या बांधवांसोबत मिठाई व फराळ देऊन दिवाळी साजरी करण्याचा एक छोटासा प्रयत्न ह्यूमन हेल्प फाउंडेशन तर्फे करण्यात आला.फाउंडेशन चे अध्यक्ष:कु:पवन साळवे,उपाध्यक्ष:प्रज्ञेश कांबळे,सचिव:शेखर पाळेकर,खजिनदार:सुमीत गायकवाड,राहुल कोकरे किरण गायकवाड व मार्गदर्शक म्हणून कुणाल वाघमारे, पिंकू झेंडे,प्रमोद रानेरजपुत, निखिल स्वामी युनूस पानसरे यांचे सहकार्य लाभले.

4 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

पाटस ता.दौंड येथून गावठी पिस्टल व २ काडतुसे जप्त : पुणे ग्रा. LCB शाखेची कामगिरी.

Read Time1 Minute, 54 Second

अधिकार आमचा न्यूज नेटवर्क

प्रतिनिधी विजय जाधव


पाटस ता.दौंड -काल दि 14 रोजी पुणे ग्रामीण LCB टिमने पोलीस निरीक्षक श्री.पद्माकर घनवट सो. यांचे मार्गदर्शनाखाली मिळालेल्या बातमीनुसार यवत पो.स्टे. हद्दीत पाटस उड्डान पुलाचे शेजारील सर्व्हीस रोडवर, बसस्टॉप समोर ता.दौंड जि.पुणे येथे आरोपी नामे १)लक्ष्मण उर्फ लखन दत्तात्रय सपकाळ वय ३५ रा.कानगाव, वरसगाव वस्ती, ता.दौंड जि.पुणे मूळ रा.वरसगाव गोरडवाडी ता.वेल्हा जि.पुणे याने विनापरवाना व बेकायदेशीर हेतुस्तव आरोपी २)दिपक उर्फ मोगल्या पासलकर (पूर्ण नाव माहित नाही) रा.कुरण बुाा ता.वेल्हा जि.पुणे याचेकडून विकत घेतलेले व स्वत:चे कब्जात बाळगलेले एक गावठी पिस्टल व दोन जिवंत काडतुसे मोटरसायसकल, मोबाईलसह एकुण किं.रु. १,१८,६०० / – असा मिळून आला आहे. सदर आरोपीस पुढील कारवाईसाठी यवत पो.स्टे. चे ताब्यात दिलेले आहे.
सदरची कामगिरी स्थानिक गुन्हे शाखेचे पोलीस निरीक्षक श्री.पद्माकर घनवट सो. यांचे मार्गदर्शनाखाली
सहा.पो.निरीक्षक पृथ्वीराज ताटे,
पोहवा. महेश गायकवाड,
पोहवा. निलेश कदम,
पोहवा. विदयाधर निचित,
पोहवा. सचिन गायकवाड,
पो.ना. गुरु गायकवाड
पो.ना. सुभाष राऊत यांनी केलेली आहे.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

नगरसेवक परिषद, मुंबई,महाराष्ट्र या राज्य पातळीवर काम करणाऱ्या संस्थेच्या पुणे जिल्हा महिला अध्यक्ष पदी दौंड नगरपालीकेच्या विद्यमान नगरसेविका ऍड .सौ.अरूणाताई डहाळे यांची निवड

Read Time2 Minute, 12 Second

दौंड(प्रतिनिधी)दि 5- नगरसेवक परिषद, मुंबई,महाराष्ट्र या राज्य पातळीवर काम करणाऱ्या संस्थेच्या पुणे जिल्हा महिला अध्यक्ष पदी दौंड नगरपालीकेच्या विद्यमान नगरसेविका ऍड .सौ.अरूणाताई डहाळे यांची निवड झाली आहे.
या संस्थेचे संस्थापक अध्यक्ष मा.राम जगदाळे पाटील व राज्य सरचिटणीस मा.कैलास गोरे पाटिल यांनी निवडीचे प्रमाणपत्र देवुन त्यांचे संघटनेत स्वागत केले. सदरची संस्था राज्य पातळीवरील सर्व नगरपालिका, नगरपंचायती,महानगरपालिका यातील सर्व पक्षीय नगरसेवक, नगरसेविका यांचे संघटन करून विविध मागण्या राज्य सरकार कडे करीत आहे. राज्य पातळीवर संघटना मजबूत झाल्यास अनेक नगर विकासाच्या दृष्टीने निधी उपलब्ध करून घेऊन जनतेला दिलासा देता येईल. तसेच नगरसेवकांचे मानधन वाढवणे, नगरसेवकांना समान नीधी मिळावा,नगरसेवकांना मंत्रालय प्रवेश त्यांच्या ओळखपत्रावरच देण्यात यावा,पेन्शन देण्यात यावी अशा विविध मागण्या शासनदरबारी मांडुन पाठपुरावा करणार आहेत. दौंड नगरपालीकेच्या धडाडीच्या, कार्यक्षम व निष्ठावंत नगरसेविका अॅड.सौ.अरूणा ताई डहाळे यांची पुणे जिल्हा महिला अध्यक्ष पदी निवड झाल्यामुळे शहरातील प्रलंबित विकास योजना व इतर अनेक नगरपालीकेच्या संदर्भातील कामांना बळ मिळणार आहे. त्यांच्या निवडी बद्दल संघटनेचे धन्यवाद!व अॅड.अरुणा डहाळे यांचे निवडीबद्दल सर्वत्र अभिनंदन आणि शुभेच्छा व्यक्त केल्या आहेत.

4 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

गहुंजे, हिंजवडीसह काही गावे पिंपरी- चिंचवड महापालिकेत समाविष्ट करून घेण्याबाबत पुन्हा जोरदार हालचाली सुरू

Read Time3 Minute, 33 Second

अधिकार आमचा न्यूज नेटवर्क

प्रतिनिधी सनी घावरी

चिंचवड(प्रतिनिधी)-गहुंजे, हिंजवडीसह काही गावे पिंपरी-
चिंचवड महापालिकेत समाविष्ट करून घेण्याबाबत पुन्हा
जोरदार हालचाली सुरू झाल्या आहेत. 11 गावे पालिकेत
समाविष्ट करण्याच्या अनुषंगाने पालिका आयुक्तांचा प्रस्ताव
आला आहे.
त्यावर पुढील कारवाई करण्यासाठी विभागीय
आयुक्तांचा अभिप्राय मागविण्यात आला आहे. अभिप्राय
प्राप्त झाल्यानंतर पुढील कारवाई करणार असल्याचे
राज्याच्या नगरविकास खात्याने सांगितले आहे.

हिंजवडी, गहुंजे, जांबे, मारुंजी, माण, नेरे आणि सांगवडे ही सात गावे महापालिकेत समाविष्ट करण्याची मागणी भाजपचे
चिंचवडचे आमदार लक्ष्मण जगताप यांनी 4 मार्च 2020 रोजी राज्य सरकारकडे केले होती.आमदार जगताप यांनी पत्रात म्हटले होते की, पिंपरी-चिंचवड महापालिकेच्या वतीने नगरविकास विभागाकडे हिंजवडी,गहुंजे, जांबे, मारुंजी, माण, नेरे आणि सांगवडे या पालिका क्षेत्रा लगत असलेल्या गावांचा समावेश करण्याबाबतचा प्रस्ताव मंजुरीसाठी पाठविला आहे.
देशात आयटी क्षेत्रात नामांकित असलेले हिंजवडी आयटी हबव गहुंजे येथे आंतरराष्ट्रीय क्रिकेट मैदानाचा विकास होत आहे.
मूलभूत पायाभूत सुविधा उपलब्ध करून देण्यास
ग्रामपंचायतीला मोठ्या प्रमाणावर अपयश येत आहे. वाढत्या
लोकसंख्येमुळे या परिसराचा बकालपणा वाढत आहे.
या गावातील ग्रामपंचायती निधी अभावी सार्वजनिक सेवा,
सुविधा देण्यास असमर्थ ठरत आहेत. त्यामुळे कचरा,
पाणीपुरवठा, रस्ते, पथदिवे असे प्रश्न या भागात भेडसावत
आहेत.
या गावांचा सर्वांगीण विकास नियोजनबद्ध होणे आवश्यक
आहे. त्यासाठी ही गावे पिंपरी-चिंचवड महापालिका क्षेत्रात
समाविष्ट केल्यास विकास होणे सोईचे होईल. त्यामुळे या
गावांना महापालिकेत समाविष्ट करण्याच्या प्रस्तावाला मान्यता देण्याची मागणी त्यांनी केली होती.
आमदार जगताप यांच्या पत्राला राज्य सरकारचे उपसचिव
सतीश मोघे यांनी लेखी उत्तर दिले आहे. त्यात त्यांनी म्हटले
आहे की, पिंपरी-चिंचवड महापालिकेत 11 गावे समाविष्ट
करण्याच्या अनुषंगाने आयुक्तांचा प्रस्ताव प्राप्त झालेला आहे.
त्यावर पुढील कारवाई करण्याच्या दृष्टीकोनातून विभागीय
आयुक्तांचा अभिप्राय मागविण्यात आला आहे. अभिप्राय प्राप्त झाल्यानंतर याप्रकरणी पुढील कारवाई करण्यात येईल.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

अवैध ताडी वाहतूक पुणे ग्रामीण स्थानिक गुन्हे शाखेची कारवाई,वाहणासोबत आरोपी ताब्यात

Read Time2 Minute, 34 Second

अधिकार आमचा न्यूज नेटवर्क

प्रतिनिधी विजय जाधव

दौंड(प्रतिनिधी)-स्थानिक गुन्हे शाखेचे पोलीस निरीक्षक पद्माकर घनवट यांचे मार्गदर्शनाखाली LCB पथकाने दि.०४/११/२०२० रोजी दौंड पोलिस स्टेशन हद्दीत कुरकुंभ येथे पेट्रोलिंग करीत असताना पथकास मिळालेल्या माहिती नुसार एक इसम आपले पिकअप गाडी मध्ये ताडी वाहतूक करत असताना मिळून आला त्याचे कब्जात प्लास्टिक दुधा चे कॅन मध्ये ४० लिटर ताडी चे ५ व एक प्लास्टिक टाकी विक्री साठी वाहतूक करताना मिळून आला याआरोपीचे नाव प्रकाश शामराव भंडारी असे आहे वय.३२रा. रणगाव ता.इंदापूर जि.पुणे ताडी वाहतूक करत असताना मिळून आला

त्याचे ताब्यातून एक पांढरे रंगाची महिंद्रा बोलेरो पिकअप गाडी किंमत अंदाजे ५००००० रुपये तसेच एक टाकी व ५ दुधाचे कँन्ड ४५० लिटर मापाचे किंमत अंदाजे १४५०० रुपये असा एकूण ५१४५०० रु चा मुद्देमाल जप्त करण्यात आला असून त्याचेविरुद्ध मुंबई दारूबंदी अधिनियम कायदा कलम 65(ई), प्रमाणे गुन्हा दाखल करण्यात आला असून आरोपी व मुद्देमाल दौंड पोलिस स्टेशन च्या ताब्यात दिले आहे.


सदरची कामगिरी मा.डॉ. अभिनव देशमुख सो. पोलीस अधीक्षक पुणे ग्रामीण मा.श्री मिलिंद मोहिते अपर पोलिस अधीक्षक सो बारामती उपविभागीय अधिकारी श्री राहुल धस सो, स्थानिक गुन्हे शाखेचे वरिष्ठ पोलीस निरीक्षक पद्माकर घनवट सो. यांचे मार्गदर्शनाखाली पो उप नी शिवाजी ननावरे,पो.हवा सचिन गायकवाड,पो हवा अनिल काळेपो, हवा रविराज कोकरेपो.ना गुरू गायकवाड,पो.ना सुभाष राऊत,पो.ना अभिजीत एकशिंगे तसेच कुरकुंभ चौकीचे पो.हवा हिरवे पो.काँ चांदने पो काँ राऊत यांने केलेली आहे.

4 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

पावसासोबत कोरोनाही परतीच्या मार्गावर आज दौंड मध्ये फक्त चार रुग्ण पॉझिटिव्ह

Read Time46 Second


दौंड(प्रतिनिधी) दिं. 12/10/2020 रोजी उपजिल्हा रुग्णालय दौंड तर्फे एकुण 64 रूग्णांची रॅपिड अँटीजेन तपासणी करण्यात आली त्यांचे अहवाल अर्ध्या तासात प्राप्त झाले
त्यपैकी एकूण 4 रूग्णांचे अहवाल पॉझिटिव्ह आले आहेत
तिन पुरूष व एका महिलेचा समावेश आहे.दौंड शहर=03 व ग्रामीण=01असे एकूण चार रूग्ण आहेत. 28 ते 55 वर्ष वयोगटातील आहेत. अशी माहीती डॉ.संग्राम डांगे
(वैद्यकीयअधीक्षक उपजिल्हा रुग्णाल दौंड)यांनी दिली।

1 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

दौंड पोलीस स्टेशन 44 आरोपींची कोरोना चाचणी…

Read Time1 Minute, 5 Second

अधिकार आमचा न्यूज नेटवर्क

प्रतिनिधी विजय जाधव

दौंड(प्रतिनिधी)-दौंड पोलिस स्टेशन मधील 44 आरोपींची खबरदारी म्हणून केली करोना चाचणी सर्व आरोपींचे अहवाल निगेटिव.आज दिं. 09/10/2020 रोजी उपजिल्हा रुग्णालय दौंड यांनी दौंड पोलीस स्टेशन मधील 44 तुरुंगातील आरोपींची करोनारॅपिड अँटीजेन तपासणी करण्यात आली त्यांचे रिपोर्ट अर्ध्या तासात प्राप्त झाले,चाचणी करण्यात आलेल्या सर्व आरोपींचे रिपोर्ट निगेटिव आले आहेत. त्यामध्ये 43 पुरुष व एका महिलेचा समावेश आहे. माहिती डॉ.संग्राम डांगे.( वैद्यकीयअधीक्षक उपजिल्हा रुग्णाल दौंड) व पोलीस निरीक्षक श्री सुनील महाडिक यांनी दिली

3 1
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %