आदेश धुकावून लावत लग्नाची हौस करणं चांगलंच अंगलट आलं आहे गुन्हा दाखल

Read Time2 Minute, 51 Second

माजलगाव-करोनामुळे सध्या सगळी भीतीचं वातावरण आहे. आजाराचा संसर्ग वाढू नये म्हणून सरकारही प्रतिबंधात्मक पावलं उचलतं आहे. गर्दी कमी करण्यासाठी आवश्यक उपाय सरकारनं हाती घेतले आहेत. याचाच भाग म्हणून गर्दी होणारे सगळे कार्यक्रम रद्द करण्याचे आदेश देण्यात आले आहेत. प्रत्येक जिल्हाधिकाऱ्यांनी तसे आदेश काढले आहेत. मात्र, हे आदेश धुकावून लावत लग्नाची हौस करणं चांगलंच अंगलट आलं आहे. त्यामुळे वधू-वर, त्यांचे आईवडिल आणि भटजीही सध्या पोलिसांच्या ताब्यात आहे.

यांच्यावर दाखल झाला गुन्हा –
विठ्ठल पांडुरंग कांबळे (रा . ब्रम्हगाव ता . माजलगाव ( नवरीचे वडील ), मनकर्णा सुभाष पाटोळे (रा लवुळ ता. माजलगाव ( नवरदेवाची आई ), ज्ञानेश्वर उद्धव पाटोळे (रा . लवुळ (नवरदेवाचे चुलते ), चंदू महादेव आटवे (रा . लवुळ) यांच्यासह आठ जणांवर गुन्हा दाखल झाला आहे.

माजलगाव शहरापासून १किमी अंतर असलेल्या ब्रम्हगाव येथे दुपारी १२. ३० वाजेच्या सुमारास लग्नासाठी पाहुणे जमले असल्याची माहिती पोलीस उपविभागीय पोलीस अधिकारी श्रीकांत डिसले यांना मिळाली .

यावरून त्यांनी शहर पोलिसांना लग्नस्थळी जाण्यास सांगितले . सहाय्यक पोलीस निरीक्षक अविनाश राठोड पोलीस ताफा घेऊन लग्नस्थळी गेले असता, यावेळी पोलिसांना लग्नस्थळी १००- १२५ लोक जमल्याचे दिसून आले. त्यानंतर पोलिसांनी करोना संसर्गाबाबत जिल्हाधिकाऱ्यांनी काढलेल्या आदेशाची आठवण करून दिली व जमलेल्यांना पाहुण्यांना परत जाण्यास सांगितले. मात्र, पोलिसांच्या आवाहनाला नकार देत लग्न लावण्याचा प्रयत्न उपस्थितांनी केला. त्यामुळे पोलिसांनी लग्न लावण्यास आलेले भटजी, फोटोग्राफरसह आठ जणांना ताब्यात घेत गुन्हा दाखल केला. यानंतर ५-६ नातेवाईकांनी सदरचे लग्न उरकुन घेतल्याची माहिती आहे. या घटनेनं येत्या काही दिवसात लग्न असणाऱ्या कुटुंबीयांमध्ये खळबळ माजली आहे.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Previous post मुंबई, पुणे, पिंपरी चिंचवड, नागपूर या शहरांमधील जीवनावश्यक वस्तू सोडून ३१ मार्चपर्यंत बंद राहतील असा मुख्यमंत्री उद्धव ठाकरेंचा आदेश
Next post दहावीच्या परीक्षेसंबधित आवश्यकता असलेले शिक्षक, शिक्षकेतर कर्मचारी सोडून उर्वरित सर्वांनी घरीहून काम करावे.शिक्षणमंत्री वर्षा गायकवाड
error: Content is protected !!
%d bloggers like this: