रयत सेनेच्या रक्तदान शिबिराला वाढता प्रतिसाद – आज शिबिराचा तिसरा दिवस

Read Time2 Minute, 53 Second


चाळीसगाव – राज्य शासनाने अनेक वेळा आवाहन करून देखील नागरिक रक्तदान करण्यास पुढे येत नाही मात्र देशाप्रती अस्था ठेवुन रक्तदान करावे असे आवाहन रयत सेने तर्फे नागरिकांना करतो .या संकटकालीन स्थितीत रक्तपुरवठ्यात घट होऊ नये व गरजूंना रक्त पुरवठा कमी पडे नये हे लक्षात घेऊन येथील रयत सेनेच्या वतीने दिनांक २८ /३/२०२० , व दि २९ /३/२०२० तसेच दि ३० रोजी तिसऱ्या दिवशी शहरातील जीवन सुरभी ब्लड बॅंकेत रक्तदान शिबिर सुरु आहे
रयत सेना सामाजिक कार्यात अग्रेसर राहुन जनतेला सेवा पुरविण्यास एक पाऊल पुढे असते सध्या कोरोनामुळे निर्माण झालेला संकटकालीन स्थितीत रक्ताचा तुटवडा जाणवत आहे. त्यास रयत सेना संस्थापक अध्यक्ष गणेश पवार यांनी केलेल्या आवाहनाला प्रतिसाद देत चाळीसगाव डी बी पथकाचे संदिप तहसीलदार यांनी रक्तदान केले त्यांच्या देशाप्रती असलेल्या योगदानाला सलाम तसेच रयत सेनेचे कार्यकर्त् मोठ्या प्रमाणात रक्तदान करण्यास सरसावले आहेत . गर्दी न करता टप्प्याटप्प्याने दाते रक्तदान करत आहेत किशोर पाटील,मयुर चौधरी,प्रशांत गायकवाड, शुभम पाटील,सागर पवार, सौरभ चव्हाण, शिवाजी पवार,सतीश पवार,विनोद पवार,अमोल पवार,रविन्द्र गोसावी, ,योगेश पाटील,चुनिलाल राठोड,अमोल सोनार ,रविन्द्र जाधव ,अमोल देठे ,जितेंद्र पवार, दत्ता पवार ,ज्ञानेश्वर कोल्हे, समाधान पाटील , कैलास सोनवणे, यांनी रक्तदान केले आहे रक्तदान शिबिरास चांगला प्रतिसाद लाभत असल्याने रयत सेना संस्थापक अध्यक्ष गणेशभाऊ पवार यांनी स्वइच्छे रक्तदान करणाऱ्या दात्याचे आभार मानले या शिबिरात जीवन सुरभी ब्लड बॅंकेचे डॉ दत्ता भदाणे ,असिफ खान ,हरीश बारगळ,कुणाल बुदेलखंडी आदि चे सहकार्य लाभत आहे यावेळी ज्ञानेश्वरी कॅंट्रक्सन संचालक सतिश पवार वाहिनी वैशाली पवार उपस्थित होते

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

करोना प्रतिबंधासाठी कार्यरत ग्रामपंचायत कर्मचारी, अंगणवाडी कर्मचारी, आशा कार्यकर्तींना मिळणार १ हजार रुपये प्रोत्साहनपर रक्कम आणि २५ लाखाचे विमा

Read Time4 Minute, 23 Second

मुंबई, दि. ३१ : सध्या करोना विषाणुच्या पार्श्वभूमीवर ग्रामपंचायतस्तरावर जोखीम पत्करून काम करणारे सर्व ग्रामपंचायत कर्मचारी, अंगणवाडी, मिनी अंगणवाडी कार्यकर्त्या, अंगणवाडी मदतनीस, आशा कार्यकर्ती यांना मिळणाऱ्या नियमित वेतन, मानधनाव्यतिरिक्त त्यांना १ हजार रुपये इतकी प्रोत्साहनपर,रक्कम देण्याचा निर्णय घेण्यात आला आहे. याशिवाय केंद्र शासनाने आरोग्य कर्मचाऱ्यांसाठी काढलेल्या ५० लाख रुपयांच्या विम्याच्या धरतीवर या कर्मचाऱ्यांचा ९० दिवसासाठी २५ लाख रुपयांचा विमा उतरविण्यासही मान्यता देण्यात आल्याची माहिती त्यांनी दिली. यासंदर्भातील परिपत्रक आज निर्गमित करण्यात आले असून सर्व जिल्हा परिषदांना कार्यवाहीसाठी सूचना देण्यात आल्या आहेत. मंत्री श्री. मुश्रीफ म्हणाले की, ग्रामीण पातळीवर या विषाणुचा प्रादुर्भाव रोखण्यासाठी ग्रामविकास विभागामार्फत उपाययोजना करण्यात येत आहेत.यासंदर्भात मा. मुख्यमंत्री यांच्या अध्यक्षतेखाली झालेल्या आढावा बैठकीत त्यांनी आवश्यक ते निर्देश दिले आहेत. त्यानुषंगाने ग्रामपंचायत स्तरावर सर्व ग्रामपंचायत कर्मचारी, अंगणवाडी कार्यकर्त्या, मिनी अंगणवाडी कार्यकर्त्या, अंगणवाडी मदतनीस, आशा कार्यकर्ती यांच्यामार्फत लोकांमध्ये जनजागृती, स्वच्छता मोहीम राबविणे, आरोग्याची काळजी घेणे, आवश्यकतेनुसार सर्वेक्षण करणे इत्यादी कामे अहोरात्र मेहनत घेवून जिवाची पर्वा न करता करण्यात येत आहेत. हे कर्मचारी आपल्या जिवाची जोखीम पत्करून ही कामे करीत असल्याने त्यांना मिळणाऱ्या नियमित वेतन,मानधनाव्यतिरिक्त त्यांना १ हजार रुपये इतकी प्रोत्साहनपर रक्कम अदा करण्यास मान्यता देण्यात आली आहे.
तसेच केंद्र शासनाने करोना विषाणुचा प्रादुर्भाव रोखण्यासाठी ३० मार्च २०२० रोजीच्या पत्रान्वये या विषाणुच्या विरोधात लढा देणाऱ्या सर्व आरोग्य कर्मचाऱ्यांसाठी प्रधानमंत्री गरीब कल्याण पॅकेजअंतर्गत न्यू इंडिया ॲश्युअरन्स कंपनीमार्फत ९० दिवसांसाठी ५० लाख रुपयांचा विमा उतरविला आहे. त्याच धर्तीवर ग्रामपंचायतीअंतर्गत ग्रामपंचायत कर्मचारी, अंगणवाडी कार्यकर्त्या, मिनी अंगणवाडी कार्यकर्त्या, अंगणवाडी मदतनीस, आशा कार्यकर्ती या कर्मचाऱ्यांचा ९० दिवसासाठी २५ लाख रुपयांचा विमा उतरविण्यास मान्यता देण्यात आली आहे.
हा खर्च १४ व्या वित्त आयोगाच्या निधीतून भागविण्याबाबत सर्व मुख्य कार्यकारी अधिकारी, जिल्हा परिषद यांना निर्देश देण्यात आले आहेत. या निर्णयातून राज्यातील ग्रामीण भागातील करोना विषाणूच्या विरोधात लढा देणाऱ्या २ लाख ७३ हजार कर्मचाऱ्यांना प्रोत्साहनपर रक्कम मिळणार असून या कर्मचाऱ्यांना विम्याचेही संरक्षण दिले जाणार

अशी माहिती राज्याचे ग्रामविकास मंत्री श्री. हसन मुश्रीफ यांनी दिली

2 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

पीपल्स सोशल फाउंडेशन व रोटरॅक्ट क्लब ऑफ क्लासिक चाळीसगाव यांच्या संयुक्त विद्यमाने 50 कुटूंबाना भाजीपाला वाटप

Read Time2 Minute, 6 Second

चाळीसगाव(प्रतिनिधी):-आज दि 30 मार्च पीपल्स सोशल फाउंडेशन व रोटरॅक्ट क्लब ऑफ क्लासिक चाळीसगाव यांच्या संयुक्त विद्यमाने सुरू केलेल्या मदत कार्यासाठी आज रुतिक पाटील याच्या कुटुंबच्या मदतीने. एकलव्यनगर व डेराबर्डी परिसरातील भटकंती करणारी कुटुंब तसेच पंचशीलनगर येथील काही हातमजुर गरीब कुटूंबाना 3-4 दिवस पुरेल असा 50 कुटूंबाना भाजीपाला वाटप करण्यात आल्या. यावेळी पीपल्स सोशल फाउंडेशन अध्यक्ष , रोटरॅक्ट अध्यक्ष-आकाश पोळ, मुख्यसंघटक,रोटरॅक्ट सचिव हर्षल माळी,महेंद्र कुमावत, मयूर साळुंखे,अजय पाटील, चेतन कुमावत,गौरव पाटील,रोशन चव्हाण, प्रतीक पाटील, तुषार सोनवणे, या दोन्ही सामजिक संस्थाच्या माध्यमातून सुरु केला आहे.व शक्य तो पर्यंत मदत करण्याचे योजीले आहे.तरी समाजातील काही घटकांनी मदत करण्याची गरज आहे.कारण कोरोना सोबत लढतांना काही कुटुंबाना भुकमारीचा सामना देखील करावा लागतो आहे. तसेच जनावरांना चारा देखील देण्यात आला.व आपल्या परिसरातील गरजु लोकांना आपल्या मदतीची गरज आहे.त्यासाठी सामाजिक क्षेत्रातील लोकांनी पुढे येण्याची आज गरज आहे.व तसेच सोशल डिस्टन्सची देखील गरज .व आपली देखील काळजी घेण्याची गरज आहे कामाशिवाय घराच्या बाहेर येऊनये ही विनंती आकाश पोळ व संस्थेच्या वतीने करण्यात आली आहे.

1 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

कोरोना विषाणूबाबत पुणे विभाग माहिती पत्र

Read Time3 Minute, 16 Second

पुणे(प्रतिनिधी):- दि. 30/03/2020 पुणे महानगर परिवहन महामंडळ लि. (पीएमपीएमएल)च्या दि.२९/०३/२०२० रोजी एकूण २१६०३ फे-यांपैकी १९९९३ फे-या रद्द केल्या. १६१० फे-यांमध्ये एकूण ५१६१ प्रवाशांनी प्रवास केलेला आहे. सद्या फक्त अत्यावश्यक बाबींसाठी फे-या सुरु ठेवलेल्या आहेत.

1)पुणे विभागामध्ये कोरोना सांर्सगिक रुग्णसंख्येमध्ये 8ने वाढ झाली असून आज दि.30/03/2020 अखेर एकूण रुग्णसंख्या 72 आहे (पुणे 43, सातारा २, सांगली २५ आणि कोल्हापूर

2). आज पुण्यामधील कोरोना विषाणूबाधीत 52 वर्षाच्या एका पुरुष रुग्णाचा दीनानाथ मंगेशकर रुग्णालयामध्ये मृत्यू झाला आहे.सदर रुग्णास मधुमेह व उच्च रक्तदाबाचा त्रास होता. तथापि कोणापासून संसर्ग झालेला आहे याची अदयाप निश्चीत माहीती मिळालेली नाही.

3)तपासणीसाठी पाठविलेले एकुण नमुने 1365 होते. त्यापैकी 1282 नमुन्यांचे अहवाल प्राप्त झालेले असून 83चे अहवाल प्रतीक्षेत आहे.प्राप्त अहवालापैकी 1193 नमुने निगेटीव्ह आहेत व 67 नमुने पॉझिटीव्ह आहेत. तसेच 22नमुने निष्कर्ष न काढण्यायोग्य आहेत. आतापर्यंत15 रुग्णांना बरे झाल्यामुळे रुग्णालयामधून सोडण्यात आलेले आहे. विभागामधील 7397 प्रवाशापैकी 4381 प्रवाशांबाबत फॉलोअप सुरू असून ३०१६ प्रवाशांबाबत पूर्ण झालेला आहे, म्हणजेच ३०१६ व्यक्तींचा होम क्‍वारंटाइन कालावधी पूर्ण झालेला असून ४३८१ व्यक्ती अजूनही क्‍वारंटाइन आहेत.

4) सहआयुक्त अन्न व औषधी प्रशासन, पुणे यांच्‍याकडून प्राप्त माहितीनुसार विभागामध्ये एन ९५ मास्‍क २८५८९ व २ प्‍लाय आणि 3 प्‍लायचे 209024 इतके मास्‍क उपलब्धआहेत.

5) विभागातील बाजार समित्यामध्ये दि.29.3.2020 रोजी 12984 क्विंटल भाजीपाला,10956 क्विंटल फळे 45839 क्विंटल कांदा/बटाटा इतकी अंदाजे आवक झालेली आहे. तसेच 11,82,717 क्विंटल अन्न-धान्याची आवक झालेली आहे.पुणे शहरामध्ये 13516 भाजीपाल्याच्या दुकानांमधून व 64 शेतकरीबाजार संयोजकांकडून भाजीपाल्याचे वितरण होत आहे.

6)दुध संकलन व वितरण- पुणे विभागामध्ये दि.29मार्च 2020चे एकुण संकलन 89.88 लक्ष लिटर असून 24.40 लक्ष लिटरचे पॅकेजिंग झालेले आहे.

1 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

ससून हॉस्‍पीटलच्‍या नवीन इमारतीची जिल्‍हाधिकारी राम किशोर नवल यांच्‍याकडून पहाणी

Read Time2 Minute, 24 Second

पुणे(प्रतिनिधी):-कोरोनाच्‍या पार्श्‍वभूमीवर ससून हॉस्‍पीटलच्‍या नवीन इमारतीत 5 एप्रिलपर्यंत 50 आयसीयू (इंटेन्सिव्‍ह केअर यूनिट) आणि 100 आयसोलेशन बेड तयार होणार असून या बाबतच्‍या कामांची पहाणी जिल्‍हाधिकारी नवल किशोर राम आणि पशुसंवर्धन आयुक्‍त सचिंद्र प्रताप सिंग यांनी केली. यावेळी बी. जे. वैद्यकीय महाविद्यालयाचे अधिष्‍ठाता डॉ. अजय चंदनवाले, कार्यकारी अभियंता निरंजन तेलंग, डॉ. हरीश ताटिया, डॉ. मुरलीधर तांबे यांच्‍यासह इतर अधिकारी उपस्थित होते.जिल्‍ह्यात कोरोना विषाणूचा प्रादुर्भाव होत असल्‍याने खबरदारीचा उपाय म्‍हणून आयसीयू व आयसोलेशन बेड्सची तयारी करण्‍यात येत आहे. ससून हॉस्पीटलची नवीन इमारत 11 मजली असून 6 व नवव्‍या मजल्‍यावर रिफ्यूजी एरिया आहे. इमारतीतील सर्वच मजल्‍यावर आयसोलेशन बेड्सची सोय करण्‍यात येणार आहे.पशुसंवर्धन आयुक्‍त सचिंद्र प्रताप सिंग यांच्‍याकडे रुग्‍णालय व अतिदक्षता विभागाचे व्‍यवस्‍थापन ही जबाबदारी देण्‍यात आली आहे. पहाणीनंतर अधिष्‍ठाता कक्षात बैठक घेण्‍यात आली. बैठकीत इमारतीच्‍या इतर अनुषंगिक बाबींच्‍या उपलब्‍धतेवर चर्चा करण्‍यात आली.संपूर्ण इमारतीच्‍या वातानुकुलीन यंत्रणेसाठी नवीन ट्रान्‍सफॉर्मर (जनित्र), जादा व्‍हेंटीलेटर, लॉकडाऊनमुळे उपलब्‍ध मनुष्‍यबळाच्‍या मदतीने गतीने काम करणे यावर चर्चा झाली.कोरोनाच्‍या मुकाबल्‍यासाठी शासनाचे सर्वच विभाग सक्षमपणे काम करत असून नवीन इमारतीत 700 हून अधिक बेड्स तयार करण्‍याचे आव्‍हान पूर्ण करु, असा विश्‍वास यावेळी व्‍यक्‍त करण्‍यात आला.

3 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

ज्येष्ठ नागरिकांमधील कोरोनाचा संसर्ग टाळण्यासाठी केंद्रीय आरोग्य मंत्रालयाच्या मार्गदर्शक सूचना जारी

Read Time5 Minute, 56 Second

ज्येष्ठ नागरिकांना कोरोना विषाणूचा संसर्ग होण्याची शक्यता अधिक असून त्यांच्यामधील या विषाणूचे संक्रमण टाळण्यासाठी कोणती काळजी घेतली पाहिजे, याबाबत केंद्रीय आरोग्य.कोरोना विषाणूची संसर्ग साखळी तोडण्यावर विशेष भर देण्यात येत आहे. मुख्यमंत्री उद्धव ठाकरे यांनी देखील सोशल मीडियाद्वारे जनतेशी वारंवार संवाद साधून कोरोनाला रोखण्यासाठी घराबाहेर पडू नका असे कळकळीचे आवाहन केले आहे. कोरोना विरुद्धच्या लढाईत प्रत्येकाने सहभागी होऊन शासनाने घातलेल्या.निर्बंधांचे पालन करणे आवश्यक आहे. ज्येष्ठ नागरिकांना कोरोना विषाणूचा संसर्ग होण्याची शक्यता अधिक असते त्यामुळे त्यांनी विशेष काळजी घेण्याची गरज आहे. वयोमानानुसार कमी झालेली रोगप्रतिकारशक्ती हे महत्त्वाचे कारण असले तरी अनेक ज्येष्ठ नागरिकांना मधुमेह, उच्च रक्तदाब, किडनीशी संबंधित आजार, दमा किंवा श्वसनाचे विकार आदी व्याधी असतात. या पार्श्वभूमीवर कोरोना संसर्गाचा ज्येष्ठांना असलेला अधिक धोका टाळण्यासाठी कोरोना विषाणूच्या संसर्गापासून दूर राहावे लागणार आहे. त्यासाठी आरोग्य मंत्रालयाने काही मार्गदर्शक सूचना केल्या आहेत.कोरोनाचा संसर्ग होऊ नये यासाठी ज्येष्ठ नागरिकांकरिता मार्गदर्शक सूचना-

✅ हे करा (DO’s)


■ घरीच रहा. घरी येणाऱ्या कोणत्याही पाहुण्यांच्या किंवा अभ्यागतांच्या भेटी घेणे टाळा. भेटणे अगदीच आवश्यक असेल तर बोलताना किमान एक मीटरचे अंतर राखा.■ थोड्या-थोड्या वेळाने आपला चेहरा आणि हात साबणाने स्वच्छ धुवा.
■ खोकताना किंवा शिंकताना आपल्या शर्टची बाही, हातरूमाल किंवा टिश्यू पेपरचा वापर करून तोंड झाका. खोकून किंवा शिंकून झाल्यांनतर रूमाल किंवा कपडे साबणाने स्वच्छ धुवून घ्या आणि टिश्यू पेपर झाकणबंद असलेल्या कचरा डब्यात टाका.
■ घरी बनविलेला ताजा आणि पोषक आहार घ्या, या आहारातून आपल्या कुटुंबाला योग्य पोषण मिळेल याची काळजी घ्या. शरीरात पाण्याची कमतरता होऊ नये यासाठी वारंवार भरपूर पाणी प्या. शरीराची प्रतिकार शक्ती वाढविण्यासाठी ताज्या फळांचा रस प्या.
■ व्यायाम, प्राणायाम करा.■ आपल्याला असलेली पथ्ये पाळा. डॉक्टरांनी दररोज घ्यायला सांगितलेली सर्व औषधे नियमितपणे घ्या.
■ दूर राहत असलेले आपले कुटुंबीय, नातेवाईकांबरोबर कॉल अथवा व्हिडियो कॉन्फरन्सिंगद्वारे संवाद साधा, गरज पडल्यास त्यासाठी कुटुंबियांची मदत घ्या.■ मोतीबिंदू किंवा गुडघे प्रत्यारोपणाच्या शस्त्रक्रिया जर आधीच ठरल्या असतील तर त्या शस्त्रक्रिया काही काळासाठी पुढे ढकला.
■ वारंवार स्पर्श केल्या जाणाऱ्या सर्व ठिकाणांना जंतुनाशकाचा वापर करून पाण्याने नियमित स्वच्छ करा.■ स्वतःच्या तब्येतीकडे लक्ष द्या. जर सर्दी, कोरडा खोकला, ताप, श्वास घेण्यास त्रास यासारखी लक्षणे आढळून आल्यास त्वरित जवळच्या दवाखान्यात जाऊन डॉक्टरांना दाखवा, त्यांचा सल्ला घ्या आणि डॉक्टरांनी सांगितलेल्या सर्व सूचनांचे पालन करा.

❌ हे करू नका- (DON’Ts)

■ शिंक किंवा खोकला आल्यास मोकळ्या हातावर किंवा चेहरा न झाकता खोकलू किंवा शिंकू नका.
■ आपल्याला ताप, खोकला किंवा सर्दी असेल तर कोणाच्याही जवळ जाऊ नका. ■ आपले डोळे, नाक, जीभ किंवा चेहऱ्याला स्पर्श करू नका.■ आजारी किंवा संसर्ग झालेल्या व्यक्तीच्या अजिबात जवळ जाऊ नका.
■ डॉक्टरांच्या सल्ल्याशिवाय स्वत:च्या मनाने कोणतेही औषध किंवा गोळ्या घेऊ नका.
■ कोणाचीही गळाभेट घेऊ नका अथवा हस्तांदोलन सुद्धा करू नका.■ सध्याची परिस्थिती पाहता नियमित तपासणी किंवा फॉलोअप असेल तरीही त्यासाठी दवाखान्यात जाऊ नका. अगदीच आवश्यक असल्यास फोनवरुन किंवा व्हिडिओ कॉलद्वारे (टेलिकन्सल्टिंग) आपल्या डॉक्टरांचा सल्ला घ्या.
■ बाजारपेठ, बाग-उद्याने, धार्मिक स्थळे अशा गर्दीच्या ठिकाणी अजिबात जाऊ नका.■ खूप अत्यावश्यक असेल तरच घराच्या बाहेर पडा, अन्यथा अजिबात घराबाहेर पडू नका. घरातच रहा.

2 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

आपल्या पगारातून 121 कुटुंबांना किराणा वाटप चाळीसगाव शहर पोलीस स्टेशन चा उपक्रम

Read Time2 Minute, 33 Second

चाळीसगाव(प्रतिनिधी):-आज दि 30 मार्च रोजी चाळीसगाव शहर पोलीस स्टेशन तर्फे 121 कुटुंबांना 19 प्रकारचा किराणा वाटण्यात आला किराणा मध्ये 5 किलो गहू,5 किलो तांदूळ,1 किलो शेंगदाणे,1 किलो सोयाबीन तेल,1 किलो मीठ,1 किलो मसूर डाळ,1किलो साखर,टूथपेस्ट,अंघोळीचा साबण,कपड्यांचा साबण,भांड्यांचा साबण,पॅराशूट तेल,चहा पावडर,हळद,मसाला पावडर,मिरची पावडर,जिरे,मोहरी प्रत्येकी 1 नग,बिस्कीट 2 नग हा सर्व प्रकारचा किराणा सामान 121 गरीब कुटुंबांना देण्यात आला यावेळी dysp गावडे साहेब,शहर पोलीस स्टेशन चे पोलीस निरीक्षक विजयकुमार ठाकुरवाड,स पो नि मयूर भामरे,स पो नि महावीर जाधव व पोलीस स्टेशन चाळीसगाव चे सर्व कर्मचारी उपस्थित होते व या कार्यासाठी संपूर्ण पोलीस कर्मचारी वर्गाने आपल्या पगारातून आपल्या परीने मदत केली आहे.

dysp गावडे साहेब

आमच्यात सुद्धा एक सामाजिक कार्यकर्ता असतो पण योग्य वेळ आल्यास आम्ही नक्की सामाजिक कार्य करत असतो आणि आमच्या वर असलेल्या समाजाच्या जबाबदाऱ्या पाळण्यासाठी कठोर निर्णय ही घ्यावे लागतात तरी लोकांनी घरात राहून शासन निर्णयाचा आदर करावा आम्ही ही मदत गरजू गरीब परिवारांना आमच्या सर्व कर्मचारी वर्गाच्या मदतीने केली आहे

पोलीस निरीक्षक ठाकुरवाड साहेब

आम्ही स्वस्फूर्तीने हे कार्य केलेले आहे आम्ही समाजाचे देने लागतो या भावनेने मदत केली आहे तसेच गोर गरीब कुटुंब ज्यांना या लॉकडाऊन मूळे कामाला जात येत नाही अश्या कुटुंबाचा शोध घेऊन मदत केली आहे ही मदत आमच्या सर्व चाळीसगाव पोलीस स्टेशन च्या कर्मचारी वर्गच्या मदतीने करू शकलो

11 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

कोरोना रुग्णांची माहिती सोशल मिडीयावर प्रसारित करणाऱ्यावर गुन्हा दाखल करण्याचे जिल्हाधिकारी डॉ अविनाश ढाकणे

Read Time9 Minute, 3 Second

जळगाव, दि. 29 – जिल्ह्यात आढळून आलेल्या कोरोना पॉसिटीव्ह रुग्णांचे नाव व तपासणी अहवाल सोशल मिडीयावर प्रसारित करणा-या अज्ञाताविरुध्द तातडीने गुन्हा दाखल करावा. तसेच संबंधितांचा शोध जिल्हा सायबर सेलने लवकरात लवकर घ्यावा असे निर्देश जिल्हाधिकारी डॉ. अविनाश ढाकणे यांनी आज दिलेत.
कोरोना विषाणूचा संसर्ग रोखण्यासाठी देशभरात करण्यात आलेल्या लॉकडाऊनच्या पार्श्वभूमीवर जिल्ह्यात करण्यात येत असलेल्या व करावयाच्या उपाययोजनांची जिल्हास्तरीय समितीची आढावा बैठक आज जिल्हाधिकारी कार्यालयातील सभागृहात जिल्हाधिकारी डॉ ढाकणे यांच्या अध्यक्षतेखाली पार पडली, यावेळी ते बोलत होते. याप्रसंगी जिल्हा परिषदेचे मुख्य कार्यकारी अधिकारी डॉ. बी. एन. पाटील, महानगरपालिका आयुक्त सुशील कुलकर्णी, अपर जिल्हाधिकारी डॉ. नंदकुमार बेडसे, अपर पोलीस अधिक्षक सचिन गोरे, निवासी उपजिल्हाधिकारी वामन कदम, सार्वजनिक बांधकाम विभागाचे अधिक्षक अभियंता प्रशांत सोनवणे, शासकीय वैद्यकीय महाविद्यालयाचे अधिष्ठाता डॉ. भास्कर खैरे, जिल्हा शल्य चिकित्सक डॉ. एन. एस. चव्हाण, जिल्हा आरोग्य अधिकारी डॉ दिलीप पाटोडे, अन्न व औषध विभागाचे सहायक आयुक्त य. कों. बेंडकुळे, सहायक प्रादेशिक परिवहन अधिकारी किरण मोरे, पोलीस उप अधिक्षक दिलीप पाटील, उपनिबंधक सहकारी संस्था मेघराज राठोड, जिल्हा पुरवठा अधिकारी सुनील सुर्यवंशी यांचेसह सर्व नोडल अधिकारी उपस्थित होते.
जिल्ह्यात काल एक कोरोना पॉसिटीव्ह रुग्ण आढळून आला असून या रुग्णाचे नाव व तपासणी अहवाल सोशल मिडीयावर प्रसारित झाल्याचे निदर्शनास आले असून ही अतिशय गंभीर बाब आहे. असे करणा-याविरुध्द तातडीने गुन्हा दाखल होणे आवश्यक आहे. तसेच यापुढे याप्रकारची माहिती तसेच अफवा पसरविणारे संदेश पसरविणाऱ्यांवर पोलीस विभागाने कठोर कारवाई करण्याचे निर्देशही जिल्हाधिकारी यांनी दिले. त्याचबरोबर जिल्ह्यात परदेशातून आलेल्या व्यक्तींची माहिती घेऊन त्यांची तपासणी झाली आहे का याबाबतची खात्री करावी. तसेच मुंबई व पुण्याहून आलेल्या नागरीकांमध्ये कोरोना सदृश काही लक्षणे आढळून येत असल्यास त्यांचीही तातडीने तपासणी करावी. तातडीची उपाययोजना म्हणून जिल्हा सामान्य रुगणालयात 5 ॲम्बुलन्स ठेवण्यात याव्यात. तसेच संशयितांचे नमुने तपासणीस पाठविण्याकरीता जिल्हा सामान्य रुग्णालयाला अजून दोन वाहने उपलब्ध करुन द्यावे. जेणेकरुन तपासणी नमुने तातडीने पोहोच करता येतील.
शाहू महाराज रुग्णालयात दोन सुरक्षा रक्षक तैनात करण्यात यावेत. रुग्णालयात नातेवाईकांना प्रवेश बंद करण्यात यावात. रुग्णांना चहा, नाश्ता व जेवण देण्याची व्यवस्था करावी. पोलीसांनी भाजीपाला व फळे विक्रेत्यांच्या हातगाडया जमा करु नये. गर्दी टाळण्यासाठी आवश्यकता भासली तर सिंधी कॉलनीतील मार्केट बंद करण्याचा निर्णय घेण्यात येईल. त्याचबरोबर दुधाचे भाव कमी करण्यात येत असल्याच्या तक्रारी येत आहे. तेव्हा शासन दरापेक्षा दुधाचे भाव कमी होणार नाही याची दक्षता संबंधित यंत्रणेने घ्यावी.
कोरोना पॉझिटीव्ह सापडलेल्या रुग्णांचे नातेवाईकांना जिल्हा सामान्य रुग्णालयात तपासणीसाठी आणण्यात आले आहे. तो राहत असलेल्या परिसरात महानगरपालिकेचे कर्मचारी समुपदेशन करीत आहे. तसेच या परिसरात गर्दी होवू नये याकरीता पोलीस लक्ष ठेवून आहेत. सदरचा रुग्णांने ज्या रेल्वे प्रवास केला त्याचा सविस्तर तपशील रेल्वे प्रशासनास देण्यात येवून त्याच्या सोबत प्रवास केलेल्या प्रवाशांची तपासणी करुन घेण्याचे आवाहन संबंधित नागरीकांना रेल्वे प्रशासनाने करावे अशा सुचनाही जिल्हाधिकारी यांनी सर्व संबंधित यंत्रणेला दिल्यात.

पालकमंत्री ना. गुलाबराव पाटील यांचे जिल्हावासियांना आवाहन

प्रिय, जळगाव जिल्हावासियांनो, कोरोना विषाणूचा संसर्ग जगभर थैमान घालत आहे. या विषाणूचा प्रादुर्भाव रोखण्यासाठी मा. प्रधानमंत्री यांनी देशभर लॉकडाऊन केला आहे. राज्यात या विषाणूचा संसर्ग वाढू नये. याकरिता मा. मुख्यमंत्री विविध महत्वपूर्ण निर्णय घेत आहे. तर जिल्हा प्रशासन आपल्या सर्वांच्या सुरक्षिततेसाठी या निर्णयांची अंमलबजावणी करीत आहे. याचा परिणाम म्हणून अद्यापपर्यंत आपल्या जिल्ह्यात एकही रूग्ण आढळून आलेला नव्हता. परंतु काल एक रूग्ण पॉझिटिव्ह आढळून आल्यामुळे आता आपली सर्वांची जबाबदारी वाढली आहे. त्यामुळे लॉकडाऊनच्या सर्व नियमांचे तंतोतंत पालन करणे हेच आपल्या हिताचे आहे.
मी पालकमंत्री या नात्याने सर्व जिल्हावासियांना नम्र आवाहन करतो की, आपणास जीवनावश्यक वस्तूंची कुठलीही कमतरता पडणार नाही. तेव्हा घाबरू नका ….. पण जागरूक रहा. लॉकडाऊन संपेपर्यंत घराबाहेर पडू नका. गर्दीच्या ठिकाणी जाणे टाळा. अनावश्यक प्रवास टाळा. प्रशासन आपल्या सुरक्षेसाठी आहे. आपण सहकार्य करा. आपली व आपल्या कुटूंबाची काळजी घ्या. असे आवाहन राज्याचे पाणीपुरवठा व स्वच्छतामंत्री तथा जिल्ह्याचे पालकमंत्री ना. गुलाबराव पाटील यांनी जिल्हावासियांना केले आहे.

जिल्हावासियांना जिल्हाधिकारी यांचे आवाहन

जळगाव जिल्हावासियांनो, जिल्ह्यात कोरोना विषाणूचा संसर्ग झालेला एक रुग्ण आढळून आला आहे. या पार्श्वभूमीवर जिल्ह्यातील नागरिकांच्या सुरक्षेसाठी जिल्हा प्रशासन आवश्यक त्या सर्व उपाययोजना राबवित आहे. नागरीकांनी घाबरून जाऊ नये पण जागरूक रहाणे आवयक आहे. संसर्ग टाळण्यासाठी घराबाहेर पडू नका. गर्दीत जावू नका. जीवनावश्यक वस्तूंसाठी होम डिलीव्हरी मागवा. संयम बाळगा. प्रशासन आवश्यक त्या उपाययोजना करीत असताना आपल्या सर्वांच्या सहकार्याची आवश्यकता आहे. कोणीही लॉकडाऊनचे उल्लंघन करू नये. अन्यथा प्रशासनास कठोर पावले उचलावी लागतील याची सर्वांनी नोंद घेऊन सहकार्य करावे. असे आवाहन जिल्हाधिकारी डॉ. ढाकणे यांनी नागरीकांना केले आहे.

1 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

राज्यात कोरोना च्या नवीन रुग्णांची नोंद

Read Time0 Second

राज्यात कोरोनाच्या २२ नवीन रुग्णांची नोंद. एकूण रुग्णसंख्या २०३. या नवीन रुग्णांमध्ये सर्वाधिक १० रुग्ण मुंबईचे असून ५ रुग्ण पुण्याचे, ३ नागपूरचे, २ अहमदनगरचे तर सांगली, बुलढाणा, जळगाव येथील प्रत्येकी १ रुग्णाचा समावेश. कोरोनातून बरे झालेल्या ३५ रुग्णांना डिस्चार्ज.आज राज्यात दोघा कोरोनाबाधित रुग्णांचा मृत्यू. एका ४० वर्षीय महिलेचा काल केईएम रुग्णालयात तीव्र श्वसनावरोधामुळे मृत्यू झाला होता. ती कोरोनाबाधित असल्याचे आज झाले निष्पन्न. बुलढाणा येथे एका ४५ वर्षीय पुरुषाचा कोरोनामुळे मृत्यू. तो मधुमेही होता. कोरोनाबाधित एकूण मृत्यूची संख्या ८. राज्यात आज एकूण ३९४ जण विविध रुग्णालयात उपचारार्थ भरती. १८ जानेवारीपासून ताप, सर्दी, खोकला अशी लक्षणे आढळल्याने राज्यातील वेगवेगळ्या विलगीकरण कक्षात आज पर्यंत ४२१० जण भरती.यापैकी ३४५३ जणांचे प्रयोगशाळा नमुने कोरोना निगेटिव्ह तर २०३ जण पॉझिटिव्ह.आतापर्यंत ३५ कोरोनाबाधित रुग्णांना डिस्चार्ज. सध्या राज्यात १७ हजार १५१ व्यक्ती घरगुती अलगीकरणात तर ९६० जण संस्थात्मक क्वारंटाईनमध्ये आहेत.

3 1
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
100 %

वैद्यकीय सुविधा पुरविण्यासाठी येणारा खर्च राज्य आपत्ती प्रतिसाद निधीतून खर्च करण्याची सर्व जिल्हाधिकाऱ्यांना परवानगी

Read Time1 Minute, 50 Second

मुंबई:-राज्यात लॉकडाऊन मुळे परराज्यातील प्रवाशी, स्थलांतरित कामगार, बेघर व्यक्तींना अन्न, वस्त्र, निवारा आणि वैद्यकीय सुविधा पुरविण्यासाठी येणारा खर्च राज्य आपत्ती प्रतिसाद निधीतून खर्च करण्याची सर्व जिल्हाधिकाऱ्यांना परवानगी. सर्व जिल्ह्यांना ४५ कोटी निधी वितरीत.महाराष्ट्राच्या किंवा जिल्ह्यातील सीमेवर स्थलांतरित कामगार, बेघर व्यक्ती मिळेल त्या वाहनाने, पायी येत आहेत. कोरोनाचा संसर्ग वाढू नये यासाठी त्यांना त्याठिकाणी प्रत्येक जिल्ह्यांमध्ये अलगीकरण (क्वारंनटाईन) मध्ये ठेवावे. तेथे त्यांच्यासाठी आवश्यक त्या सुविधा पुरविण्याचे निर्देश.अशा व्यक्तींना महसूल विभागाने दिलेल्या वास्तव्याच्या ठिकाणी आणल्यानंतर तेथील जवळच्या प्राथमिक आरोग्य केंद्राच्या वैद्यकीय अधिकाऱ्यांकडून त्यांची आरोग्य तपासणी करून आवश्यकतेनुसार उपचार केले जाणार. गरोदर महिला आणि बालकांची विशेष काळजी घेण्याचे निर्देश.५०० पेक्षा जास्त प्रवासी जर एखाद्या ठिकाणी असतील तर तेथे २४ तास बहुउद्देशीय आरोग्य सेवक उपलब्ध करून देण्याच्या राज्य शासनाच्या सूचना.

3 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %