पोलीस निरीक्षक के के पाटील यांचे निलंबन व्हावे वारकरी संप्रदायाचे टाळ, मृदुंग आंदोलनद्वारे मागणी….
Read Time2 Minute, 51 Second
अधिकार आमचा न्यूज नेटवर्क
जळगाव- चाळीसगाव शहरातील हनुमंत सिंग राजपूत नगर मधील सप्तशृंगी माता मंदिरपरिसरात कीर्तन सप्ताह सुरु होता.27 एप्रिल रोजी कीर्तन सुरु असतांना पोलीस निरीक्षक के.के पाटील यांनी बूट घालून नारदाच्या गादीवर पाय ठेवले तसेच कीर्तनकार राम महाराज यांना धमकी दिल्याचा आरोप कीर्तनकरांनी केला होता.या प्रकरणी पोलीस निरीक्षक के. के पाटील यांचा राज्यभर निषेध करण्यात आला.राम कृष्णा पाटील यांनी के.के पाटीलांविरोधात उपविभागीय पोलीस अधिकारी यांच्या कडे फिर्याद देऊन तक्रार दिली होती.
नारदच्या गादीचा अपमान आणि कीर्तनकारांना धमकवल्या प्रकरणी पोलीस निरीक्षक के.के पाटील यांचे निलंबन व्हावे अशी मागणी सुप्रसिद्ध कीर्तनकार ह.भ.प जळकेकर महाराजांनी केली होती.सात दिवसात निलंबन झाले नाही तर जिल्हाधिकारी कार्यालयासमोर भजन आंदोलनाचा इशारा त्यांनी दिला होता.मुदत संपूनही पोलीस विभागाने पोलीस निरीक्षक के.के पाटीलांचे निलंबन केले नसल्याने दि 9 एप्रिल सोमवार रोजी ज्ञानेश्वर जळकेकर महाराज,कृष्णा महाराज त्याच बरोबर जिल्हाभरातील कीर्तनकरांनी जिल्हाधिकारी कार्यालयासमोर टाळ, मृदुंग आंदोलन केले.
जळगाव जिल्हाधिकारी कार्यालयासमोर सकाळी 10वाजता टाळ, मृदुंग आंदोलनाला सुरवात झाली.जिल्हाभारतील तसेच जिल्हाबाहेरील असंख्य कीर्तनकार या आंदोलना प्रसंगी उपस्थित होते. जळगावचे आमदार राजू मामा भोंळे यांनीही या आंदोलनास पाठिंबा दर्शवला आहे.जो पर्यंत पोलीस निरीक्षक के.के पाटील यांचे निलंबन होतं नाही तो पर्यत आंदोलन सुरु राहील तसेच वरिष्ठ अधीकारी व मुख्यमंत्री यांची देखील भेट घेणार असल्याचा इशारा ज्ञानेश्वर जळकेकर महाराज व कृष्णा महाराज यांनी दिला आहे.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0
Average Rating