ओमनी गाडीसह वाळू चोर मेहुनबारे पोलिसांच्या ताब्यात,कारवाई अशीच सुरू राहणार का? जनसामान्यांचा प्रश्न
Read Time2 Minute, 38 Second
अधिकार आमचा न्यूज नेटवर्क
उपसंपादक रोहित शिंदे
चाळीसगांव(प्रतिनिधी)- तालुक्यातील मेहुनबारे गावात दि 21 फेब्रुवारी रोजी रात्री 1 वाजून 30 मिनिटांच्या सुमारास भरधाव जाणाऱ्या पांढऱ्या ओमनी गाडीचा संशय आल्याने पाठलाग करत तीस गोण्या वाळू सह आरोपी ताब्यात मेहुनबारे पोलीस स्टेशन ची कामगिरी.
रात्री च्या गस्त घालत असणाऱ्या पोलिस उप निरीक्षक प्रकाश चव्हाण,पो कॉ निलेश लोहार व पो कॉ शेख गफ्फार यांना मेहुणबारे बस स्टँड परिसरात भरधाव वेगाने जाणारी पांढ-या रंगाची विना नंबर प्लेट असलेली ओमनी गाडी दिसली संशय आल्याने पाठलाग करत ऋषीपांथा कडे जाणाऱ्या मार्गावर गाडी थांबवून चौकशी करत शासकीय परवाना विचारला असता आरोपी माधव भीमा मोरे वय 33 राहणार जामदा(चाळीसगांव) याने कोणताही परवाना नसल्याचे व गिरणा पात्रातून रेती चोरी केल्याचे कबुल केल्याने आरोपी विरुद्ध भादवी कलाम 379 प्रमाणे पो कॉ शेख गफ्फार शेखलाल यांच्या फिर्यादीवरून गुन्हा दाखल करण्यात आला असून 50 हजार रुपये किमतीची ओमानी गाडी व 30 प्लास्टिक चे पोते भरून रेती अर्धा ब्रास अंदाजे किंमत 3 हजार रूपये असा एकूण 53 हजार रुपयांचा मुद्देमाल जप्त करण्यात आला आहे. सदर कारवाई पोलिस उप निरीक्षक प्रकाश चव्हाण,पो कॉ निलेश लोहार व पो कॉ शेख गफ्फार यांनी केली असून पुढील तपास सुरू आहे.
मेहुनबारे पोलिसांचे सर्वत्र कौतुक होत आहे मात्र नुसत्या किरकोळ कारवाया न करता मेहुनबारे पोलिसांनी वाळू माफियांचा चोख बंदोबस्त करायला हवा नुसती तात्पुरता कारवाई न करता कारवाई अशीच सुरू ठेवावी असे ही जणसमन्यांकडून बोलले जात आहे.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating