खोरवडी जिल्हा परिषद शाळेत पहिली च्या विद्यार्थ्यांसाठी शाळा पूर्वतयारी मेळावा संपन्न

0 0
Read Time3 Minute, 11 Second

अधिकार आमचा न्यूज नेटवर्क

प्रतिनिधी विजय जाधव


दौंड(प्रतिनिधी)-शासन आदेशानुसार दिनांक-11 मार्च 2022 ते दिनांक-20 मार्च 2022, दरम्यान महाराष्ट्रातील सर्व प्राथमिक शाळांमध्ये इयत्ता पहिलीतील दाखल पात्र विद्यार्थी व पालकांसाठी शाळापूर्व तयारी चे मेळावे घेण्याचे आदेश देण्यात आले आहेत. शासनाच्या आदेशानुसार दौंड तालुक्यातील जिल्हा परिषद प्राथमिक शाळा खोरवडी येथे पहिला शाळा पूर्वतयारी मेळावा शनिवार दिनांक- 16 मार्च 2022 रोजी आयोजित करण्यात आला.
covid-19 मुळे बालकांचे दोन वर्षापासून शैक्षणिक नुकसान झाल्याने जून 2022 मध्ये इयत्ता पहिली दाखल होणाऱ्या विद्यार्थ्यांचे पूर्वज्ञान, शारीरिक, बौद्धिक व सामाजिक विकास त्यांच्यातील उणिवा तपासण्या करून त्यांचे पुढील शिक्षण सुलभ व आनंददायी व्हावे पाल्यांना शिक्षणासाठी प्रेरित करावे या हेतूने जिल्हा परिषद प्राथमिक शाळा खोरवडी येथे जिल्हा शिक्षण व प्रशिक्षण संस्था पुणे, व जिल्हा परिषद पुणे, दौंड पंचायत समिती यांच्या मार्गदर्शनाखाली शाळा पूर्वतयारीचा मेळावा शाळा व्यवस्थापन समिती, मुख्याध्यापक, व सह शिक्षक खोरवडी, अंगणवाडी कर्मचारी यांच्या सहकार्याने मोठ्या उत्साहाने संपन्न झाला.
विद्यार्थ्यांना शाळेचे वातावरण माहीत व्हावे, शाळेबद्दल वाटणारी भीती कमी व्हावी म्हणून वाजत गाजत लेझीम च्या गजरात बैलगाडीतून इयत्ता पहिली च्या विद्यार्थ्यांची मिरवणूक काढण्यात आली. औक्षण करून पुष्पवर्षाव आत विद्यार्थ्यांचे स्वागत करण्यात आले यानंतर कार्यक्रमाचे उद्घाटन शाळा व्यवस्थापन समिती अध्यक्ष सौ शितल सोनवणे व खोरवडी गावचे उपसरपंच श्री दीपक सोनवणे यांच्या हस्ते करण्यात आले.
इयत्ता पहिली चा सर्व विद्यार्थ्यांना अभ्यास पुस्तिका ,फुगे, टोप्या ,खाऊ, चॉकलेट यांचे वाटप करण्यात आले सदर कार्यक्रमासाठी शाळा व्यवस्थापन समिती ,सर्व शिक्षक वृंद ,ग्रामस्थ ,पालक, विद्यार्थी मित्र यांचे मोलाचे सहकार्य लाभले.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.