महाशिवरात्रीचे औचित्य साधून श्री क्षेत्र वालझिरी येथे रोटरी क्लब ऑफ चाळीसगाव श्री क्षेत्र वालझिरी वारकरी संस्थान पिंपरखेड व बापजी जीवनदीप मल्टीस्पेशलिटी हॉस्पिटल यांच्या संयुक्त विद्यमाने मोफत आरोग्य शिबीर व मोफत औषधोपचार
0
0
चाळीसगाव(प्रतिनिधी):-दि. 21 फेब्रुवारी 2020, शुक्रवार रोजी महाशिवरात्रीचे औचित्य साधून श्री क्षेत्र वालझिरी येथे रोटरी क्लब ऑफ चाळीसगाव श्री क्षेत्र वालझिरी वारकरी संस्थान पिंपरखेड व बापजी जीवनदीप मल्टीस्पेशलिटी हॉस्पिटल यांच्या संयुक्त विद्यमाने मोफत आरोग्य शिबीर व मोफत औषधोपचार करण्यात आले. यामध्ये जवळजवळ 346 रुग्णांनी लाभ घेतला. यावेळी हृदयरोग व मधुमेह तज्ञ डॉक्टर सुधन्वा कुलकर्णी, नेत्र ज्ञ संदीप साहू डॉ. संदीप देशमुख, डॉ. विरजा देशमुख आदी डॉक्टरांनी सहकार्य केले. रोटे रोशन ताथेड, बलदेव पुंशी, यांचे विशेष सहकार्य लाभले. यामध्ये वेळोवेळी असेच लोकाभिमुख उपक्रम राबवण्याचा मानस वालझीरी वारकरी संस्थान चे सचिव श्री सतीश देशमुख यांनी व्यक्त केला. आभार प्रदर्शनात महात्मा फुले जन आरोग्य योजनेअंतर्गत बापजी जीवनदीप मल्टीस्पेशलिटी हॉस्पिटल द्वारे मोफत आरोग्य शिबिरांचे आयोजन करून जास्तीत जास्त लोकांनी त्याचा लाभ घ्यावा असे आवाहन डॉक्टर संदीप देशमुख यांनी केले.
