मागासवर्गीय प्रवर्गातील अधिकारी व कर्मचारी यांच्या पदोन्नतीच्या आरक्षणासंदर्भात निर्णय घेण्यासाठी मंत्री गटाची स्थापना-कास्ट्राईब कर्मचारीकल्याण महासंघाच्या लढ्याला यश

Byadmin

Nov 1, 2020

Read Time2 Minute, 40 Second

दौंड(प्रतिनिधी)-कास्ट्राईब कर्मचारीकल्याण महासंघाने पदोन्नतीचे आरक्षण हा आमुचा संविधानिक अधिकार आहे आणि तो आम्हांला मिळालाच पाहिजे या मागाणीसाठी महाराष्ट्र विधानसभेतील सर्व मंत्राना भेटून निवेदने दिली त्याच बरोबर जिल्हा व तालुक्याच्या ठिकाणी एक दिवसाचे आंदोलन केले दि.30/10/2020 ते 3/11/2020 नागपूर ते मुबंई लॉंगमार्च काढण्याचे नियोजन पूर्ण झाले आहे.त्याची पूर्व कल्पना दिली होतीच. मा. छगन भुजबळ यांची मा. अरुण गाडे यांनी नाशिक येते भेट घेतली होती त्यावेळी त्यांनी मंत्री मंडळात चर्चा करण्याचे आश्वासन दिले होते. मंत्री गटाची स्थापना करण्यात यावी असा प्रस्ताव शासनाकडे कास्ट्राईबच्या वतिने मांडला होता. अखेर महाराष्ट्र शासनाने मंत्री गटाची स्थापना केली आहे.
पदोन्नतीच्या आरक्षणाचा संघर्ष अजुन संपलेला नाही.परंतु आंदोलनाच्या माध्यमातून महाराष्ट्र शासनावर दबाव आणून आपल्या प्रश्नाकडे लक्ष वेधून घेण्यात कास्ट्राईब यशस्वी झाली आहे.
कास्ट्राईब कर्मचारी कल्याण महासंघ संघटनेच्या बैठकीत पदोन्नतीच्या आरक्षणाचा प्रश्न प्राधान्यक्रमाने मांडला होता. त्यावेळी मा.मंत्री महोदयांनी सकारात्मक प्रतिसाद दिला होता.
पदोन्नतीचे आरक्षण मिळालेच पाहिजे यासाठी प्रसंगी आपल्याला जण आंदोलन करावे लागेल. तेव्हा सर्व मागासवर्गीय कर्मचार्यांनी मा.अरुण गाडे यांच्या नेतृत्वाखालील कास्ट्राईब कर्मचारी कल्याण महासंघाच्या झेंड्याखाली एकत्र यावे.असे जाहीर आव्हान गौतम कांबळे
राज्य महासचिव महाराष्ट्र राज्य कास्ट्राईब कर्मचारी कल्याण महासंघ प्रणित शिक्षक आघाडी यांच्या मार्फत करण्यात आले आहे.