जेसीबी द्वारे नाल्यांची सफाई सुरू,सामाजिक कार्यकर्ते ठरले गुरू
1
0
अधिकार आमचा न्यूज नेटवर्क
चाळीसगांव(प्रतिनिधी)-27 मे सामाजिक कार्यकर्ते विजय शर्मा यांनी वाढदिवसाच्या निमित्ताने चाळीसगांव नागरपरिषदेस खेळण्याचे जेसीबी भेट देत नाले सफाई जेसीबीच्या साह्याने पावसाळ्या पूर्वी करण्याची मागणी केली होती त्या मागणीचा इफेक्ट आज सकाळ पासून नाल्यांची सफाई सुरू
शुक्रवारी शहारातील प्रभाग क्र.५,१४,१५,१६ मधील लहान नाल्याची सफाई करण्यात आली. तसेच आनंदवाडी, बाप्पा पॉंईट, करगाव मोरी जवळील नाल्याची देखील सफाई कर्मचार्‍यामार्फत करण्यात आली. आजपासून जेसीबीव्दारे शहरातील मोठ्या नाल्याची स्वच्छता करण्यासा प्रारंभ झाला. शहरातील घाटरोडस्थित छाजेड ऑईल मिल परिसरातील इस्मालपुरा भागातील नाल्याची स्वच्छता सुरू करत प्रारंभ करण्यास करण्यात आल्याची माहिती न.पा.चे आधिकारी संजय गोयर यांनी दिली आहे.
पावसाळा सुरु होण्यापूर्वीच युध्दपातळीवर संपूर्ण शहरात लवकरच नाले सफाई होणार असे चित्र निर्माण झाले आहे, नालेसफाई ची सुरवात मुख्याधिकारी नितीन कापडणीस, नगराध्यक्षा आशालता चव्हाण, उपनगराध्यक्षा अशाबाई चव्हाण, आरोग्य सभापती सायली जाधव यांच्या मार्गदर्शनाखाली न.पा.चे आधिकारी संजय गोयर, तुषार नकवाल, दिलीप चौधरी, सचिन निकुंभ यांच्यासह न.पा.चे कर्मचारी राहुल निकम, विजय जाधव, राजू चौधरी, अनिल गोयर, राजेश चंदले व इतर कर्मचार्‍यांनी केली आहे.
नाले सफाई सुरू झाल्यामुळे नागरिक मात्र चिंता मुक्त झाले असल्याचे दिसत आहे व शहरात सर्वत्र सामाजिक कार्यकर्ते विजय शर्मा व खुशाल पाटील यांची चर्चा आहे.
