शिवनेरी फाउंडेशन व भारतीय जनता पार्टी तर्फे तालुका आरोग्य अधिकारी डॉ.देवराम लांडे यांच्याकडे 1000 मास्क सुपूर्द
चाळीसगांव(प्रतिनिधी):-चाळीसगाव तालुक्यात गेल्या अनेक दिवसांपासून करोना विषाणू व त्यावर उपाययोजना करण्यासाठी आरोग्य यंत्रणा जीवापाड कष्ट घेत असून सुदैवाने अजून एकही रुग्ण आढळून आला नाही मात्र राज्यातील रुग्णांची संख्या दिवसेंदिवस वाढत असून या पार्श्वभूमीवर आरोग्य यंत्रणेची देखील जबाबदारी वाढत आहे. मागील 3 दिवसात हजारोंच्या संख्येने मुंबई – पुणे व इतर राज्यातून नागरिक चाळीसगाव तालुक्यात आले असून
चाळीसगाव तालुक्यातील आरोग्यसेविका, अंगणवाडी सेविका, नर्सेस व आरोग्य विभागाचा स्टाफ हा त्यांची माहिती गोळा करून पुढील 14 दिवस त्यांना काही लक्षण आढळून येतात का याची दररोज प्रत्यक्ष भेट देऊन माहिती घेणार आहेत. या सर्व आरोग्य सेवकांच्या आरोग्यासाठी सामाजिक भान जपत आपण देखील समाजाचे देणे लागतो या जाणिवेतून शिवनेरी फाउंडेशन व भारतीय जनता पक्षाच्या वतीने १००० मास्क नुकतेच तालुका आरोग्य अधिकारी डॉ.देवराम लांडे यांच्याकडे सुपूर्द करण्यात आले.
यावेळी शिवनेरी फाउंडेशन च्या अद्यक्षा सौ प्रतिभाताई मंगेश चव्हाण,भाजपा शहर सरचिटणीस जितेंद्रदादा वाघ, ग्रामीण सरचिटणीस अमोलदादा चव्हाण आदी उपस्थित होते.