अखिल भारतीय मराठा महासंघाचा ओढरे गावात फलक अनावरण

या फलक अनावरण कार्यक्रमासाठी ओढरे गावातील सर्व जाती-धर्मातील नागरिकांनी सहकार्य केल्याने सामाजिक एकोपा दिसून आला. कार्यक्रमात जिल्हा संपर्कप्रमुख खुशाल बिडे यांनी आपल्या मनोगतात समाज एकजूट राहण्याचे आवाहन केले. ग्रामीण भागातील विविध समस्या सोडविण्यासाठी अखिल भारतीय मराठा महासंघाच्या माध्यमातून निवेदन व आवश्यक ते आंदोलन करण्यात येईल, तसेच मराठा समाजावर अन्याय-अत्याचार झाल्यास महासंघ ठामपणे आवाज उठवेल, असे त्यांनी स्पष्ट केले. इतर कोणत्याही समाजावर अन्याय झाल्यास त्यांनाही न्याय मिळवून देण्यासाठी महासंघ सदैव पुढे राहील, असेही त्यांनी सांगितले.शहराध्यक्ष नंदकिशोर पाटील यांनी महासंघाची ध्येयधोरणे व कार्यपद्धती उपस्थितांना समजावून सांगितली. मा. राजेंद्रभाऊ राठोड यांनी महासंघाच्या पदाधिकाऱ्यांच्या कार्याचे कौतुक केले.ओढरे शाखेचे अध्यक्ष भगवान इंगळे, उपाध्यक्ष रमेश देशमुख, सचिव बद्रीनाथ इंगळे, संघटक राहुल पाटील, खजिनदार पंकज देशमुख तर सल्लागार म्हणून राजेंद्र इंगळे यांची नियुक्ती करण्यात आली आहे.फलक अनावरण प्रसंगी प्रमुख मान्यवर म्हणून जिल्हा संपर्कप्रमुख खुशाल बिडे उपस्थित होते. तसेच जिल्हा कोषाध्यक्ष अशोक भोसले, शहराध्यक्ष नंदकिशोर पाटील, तालुका अध्यक्ष शशिकांत पाटील, शहर उपाध्यक्ष कैलास पाटील, शहर सचिव सचिन गुंजाळ, तालुका संघटक शेखर पाटील, तालुका उपाध्यक्ष अमोल पाटील, युवक तालुका अध्यक्ष प्रकाश पाटील, युवक सचिव ललित पाटील, युवक उपाध्यक्ष ललित पाटील, धनराज सूर्यवंशी, बाळासाहेब निकम, राजेंद्रभाऊ राठोड, पोलीस पाटील अर्जुन निकम, तंटामुक्ती अध्यक्ष बाळा जाधव, बाळू आप्पा आदी मान्यवर उपस्थित होते.