Oplus_16908288
अधिकार आमचा न्युज नेटवर्क
संपादक गफ्फार शेख (मलिक)
उपसंपादक रोहित शिंदे
चाळीसगाव (प्रतिनिधी): चाळीसगाव शहरातील कृषी उत्पन्न बाजार समिती परिसरातून एक मोटारसायकल चोरीला गेल्याची घटना उघडकीस आली असून याप्रकरणी अज्ञात चोरट्याविरुद्ध पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, वडजी (ता. भडगाव) येथील रहिवासी व शेतकरी बुधा बबन सोनवणे (वय 40) हे 30 मे रोजी सकाळी सुमारे 7 वाजता आपल्या म्हशीच्या विक्रीसाठी चाळीसगाव कृषी उत्पन्न बाजार समितीत आले होते. त्यांनी आपली लाल रंगाची सिटी हंड्रेड मोटारसायकल (क्र. MH-19 DK-6928) बाजार समिती परिसरातील एका वडा-पाव गाडी जवळ उभी केली होती.
यानंतर म्हैस उतरविण्याच्या कामासाठी गेल्यानंतर सकाळी सुमारे 10 वाजता परत आल्यावर त्यांनी मोटारसायकल पार्क केलेल्या ठिकाणी पाहणी केली असता ती तेथे आढळून आली नाही. त्यानंतर त्यांनी बाजार समिती परिसरासह रेल्वे स्टेशन, बसस्थानक, भडगाव रोड, हिरापूर रोड, मालेगाव रोड तसेच शहरातील विविध भागात मोटारसायकलचा शोध घेतला. मात्र, वाहनाचा कोणताही मागमूस लागला नाही.
चोरीस गेलेली मोटारसायकल लाल रंगाची सिटी हंड्रेड कंपनीची असून तिची अंदाजे किंमत 25 हजार रुपये आहे.
अज्ञात चोरट्याने 30 मे रोजी सकाळी 8 ते 10 वाजेदरम्यान कृषी उत्पन्न बाजार समिती परिसरातून सदर मोटारसायकल चोरून नेल्याची तक्रार बुधा सोनवणे यांनी चाळीसगाव शहर पोलीस ठाण्यात दिली आहे. पोलिसांनी अज्ञात चोरट्याविरुद्ध गुन्हा दाखल करण्यात आला असून पुढील तपास कॉन्स्टेबल दिपक चौधरी करीत आहे.
About The Author
